آج آگئی اے یا د مدینے دی مینوں رج رج کے آج رو لین دے
پنجواں نال دفتر عملاں دا منوں مل مل کے آج دھو لین دے
Aaj aa gayee ae yaad Madeenay di maino raj raj ke aaj ro len de
Panjwan naal daftar amlaan da mano mil mil ke aaj dhul len de
توں جم جم وسدا رہو ایتھے محبوب میرے دیا درباناں
مینوں یار میرے دے در اُتے دو گھڑیاں صرف کھلو لین دے
Toon jam jam wasda raho aithay mehboob meray diya darbana
Maino yaar meray de dar utay do ghariyan sirf khalu len de
پھر جو جی چاہوے کرلئیں توں میں ساریاں سختیاں جرلاں گا
ذرا رک جا رب دا واسطہ ای مینوں رو رو کملا ہو لین دے
Phir jo jee chaaway karlain toon main sariyaan sakhtiya jerlan ga
Zara ruk ja Rab da wastaa ae maino ro ro kamla ho len de
توں کرلیں جو جی کردا اے ذرا رُک جا جابر تقدیرے
مینوں یار دے گل وچ پاون لئی ہنجواں دے ہار پرولین دے
Toon karlain jo jee karda ae zara ruk ja jaber taqdeeran
Maino yaar de gal wich paawan lai hanjwaan de haar parolen de
ذرا ٹھہر طبیبا ناں لاویں اجے ٹانکے میریاں زخماں نوں
اجے یار دے غم نوں سینے وچ ذرا نشتر ہور چبھو لین دے
Zara thehar tabiba naan laaway ajay taankay meriyaan zakhmaan noon
Ajay yaar de gham noon seenay wich zara nashtar hor chabhu len de
اجے صائم کھچ ناں سکدا اے تیرا قلم ہجر دیاں تصویراں
فیر تڑپ تڑپ تڑپاویں گا ہو دل دے ٹوٹے دو لین دے
Ajay Saeem khich naan sakda ae tera qalam hijr diyaan tasveeran
Phir tarap tarap tarapawain ga ho dil de tootay do len de
Share This Naat
Share with friends and family
آج آگئی اے یا د مدینے دی مینوں رج رج کے آج رو لین دے
علامہ صائم چشتی