ہم نے تقصیر کی عادت کرلی
آپ اپنے پہ قیامت کرلی
Hum ne taqseer ki aadat karli
Aap apne pe qayamat karli
میں چلا ہی تھا مجھے روک لیا
مِرے اللہ نے رحمت کر لی
Main chala hi tha mujhe rok liya
Mere Allah ne rehmat kar li
ذِکرِ شہ سن کے ہوئے بزم میں محو
ہم نے جلوت میں بھی خلوت کر لی
Zikr-e-shah sun ke hue bazm mein mahv
Hum ne jalwat mein bhi khalwat kar li
نارِ دوزخ سے بچایا مجھ کو
مِرے پیارے بڑی رحمت کرلی
Naar-e-dozakh se bachaya mujh ko
Mere pyare badi rehmat karli
بال بیکا نہ ہوا پھر اس کا
آپ نے جس کی حمایت کرلی
Baal beeka na hua phir us ka
Aap ne jis ki himayat karli
رَکھ دیا سر قدمِ جاناں پر
اپنے بچنے کی یہ صورت کرلی
Rakh diya sar qadam-e-jaana par
Apne bachne ki ye soorat karli
نعمتیں ہم کو کھلائیں اور آپ
جو کی روٹی پہ قناعت کرلی
Nematien hum ko khilaae aur aap
Jo ki roti pe qanaat karli
اس سے فردوس کی صورت پوچھو
جس نے طیبہ کی زِیارت کرلی
Us se firdous ki soorat poochho
Jis ne Tayba ki ziyaarat karli
شانِ رحمت کے تصدق جاؤں
مجھ سے عاصی کی حمایت کر لی
Shaan-e-rehmat ke tasadduq jaaon
Mujh se aasi ki himayat kar li
فاقہ مستوں کو شکم سیر کیا
آپ فاقہ پہ قناعت کرلی
Faaqah maston ko shikam seer kiya
Aap faaqqa pe qanaat karli
اے حسنؔ کام کا کچھ کام کیا
یا یوہیں ختم پہ رخصت کرلی
Ae Hasan kaam ka kuch kaam kiya
Ya yuheen khatam pe rukhsat karli
Share This Naat
Share with friends and family
ہم نے تقصیر کی عادت کرلی
حسن رضا خان