گئے ٹُر چھڈ کے مینوں سب سفینے یا رسول اللہ
بُلا خود اپنی رحمت تھیں مدینے یا رسول اللہ
Gaye tur chhad ke mainu sab safine ya Rasool Allah
Bula khud apni rehmat thin Madine ya Rasool Allah
جدائی تیری وچ گن گن کے دن لگ دا مہینہ اے
تے لنگھدا سال اے گن گن مہینے یا رسول اللہ
Judaai teri vich gan gan ke din lag da mahina ae
Te langhda saal ae gan gan mahine ya Rasool Allah
مری تے آرزو چھوٹی جئی اے پوری کر چھڈنا
بھرے رکھے خدا تیرے خزینے یا رسول اللہ
Meri te aarzoo chhoti jayi ae poori kar chhadna
Bhare rakhe Khuda tere khazine ya Rasool Allah
کرم چاہندا ہاں اُنج تے جانناں لائق تیرے در دے
کدوں ہندے میرے ورگے کمینے یا رسول اللہ
Karam chaahnda haan unj te jaan naan laayak tere dar de
Kadun hounde mere varge kameene ya Rasool Allah
مدینے دا وچھوڑا چیر دا رہندا اے دل میرا
تے غم میرے نے ہوئے دونے تینے یا رسول اللہ
Madine da vichhora cheer da rehnda ae dil mera
Te gham mere ne hoye done teene ya Rasool Allah
تہاڈے رحم تے رحمت دے چرچے ہین دنیا تے
گنہگاراں نوں لالیندے او سینے یا رسول اللہ
Tuhade rehm te rehmat de charche hain duniya te
Gunahgaraan nu laa lande o seene ya Rasool Allah
بحمد اللہ ایہہ سارے شعر نے صائم دے مہکائے
تصور وچ ترے آکے پسینے یا رسول اللہ
Bahamd Allah eh saare she’r ne Sa’im de mehakaaye
Tasawwur vich tare aake paseene ya Rasool Allah
Share This Naat
Share with friends and family
گئے ٹُر چھڈ کے مینوں سب سفینے یا رسول اللہ
علامہ صائم چشتی