تاجدارِ حرم اے شہِ انس و جاں شاہِ کون و مکاں
اے حبیبِ خدا آپ جیسا کہاں شاہِ کون ومکاں
Tajdar-e-Haram ae Sheh-e-Ins o Jaan Shah-e-Kon o Makan
Ae Habeeb-e-Khuda aap jaisa kahan Shah-e-Kon o Makan
بزمِ کونین کی ساری ہی رونقیں اور سبھی برکتیں
آپ ہی کے سبب سرورِ سروراں شاہِ کون و مکاں
Bazm-e-Konen ki saari hi ronuqein aur sabhi barkatein
Aap hi ke sabab Sarwar-e-Sarwaran Shah-e-Kon o Makan
طُور پر ہے کوئی تو کوئی چرخ پر شان ہے اوج پر
فضلِ ربُّ العلیٰ سے گئے لامکاں شاہِ کون و مکاں
Toor par hai koi to koi charkh par shaan hai ooj par
Fazl-e-Rabbul-Ala se gaye la Makan Shah-e-Kon o Makan
انتخاب آپ کی ذات کا ہوگیا نام ہے مصطفیٰ
بات وحئ خدا کُن کی کُنجی زباں شاہِ کون و مکاں
Intikhab aap ki zaat ka hogaya naam hai Mustafa
Baat Wah-e-Khuda Kun ki Kunji zubaan Shah-e-Kon o Makan
جب کہ جلوہ گری آپ کی ہوگئی مِل گئی ہر خوشی
جن وانس و ملک تھے سبھی شادماں شاہِ کون و مکاں
Jab ke jalwa gari aap ki hogayi mil gayi har khushi
jin o Ins o Malak the sabhi shaadmaan Shah-e-Kon o Makan
رنج و غم کی دوا نام ہے آپ کا مرحبا مرحبا
آپ کا ذکر ہے وجہِ تسکینِ جاں شاہِ کون و مکاں
Ranj o Gham ki dawa naam hai aap ka Marhaba Marhaba
Aap ka Zikr hai wajh-e-Taskeen-e-Jaan Shah-e-Kon o Makan
ہر خفی و جلی عِلم و عرفاں دیا اور پھر کر دیا
حق تعالیٰ نے ہر غیب تجھ پر عیاں شاہِ کون و مکاں
Har Khafi o Jali ilm o irfan diya aur phir kar diya
Haq Ta'ala ne har ghaib tujh par ayaan Shah-e-Kon o Makan
معجزہ خوب ہے واہ کیا جُود ہے سیر سب ہو گئے
ایسے چشمے ہُوئے اُنگلیوں سے رواں شاہِ کون و مکاں
Mojiza khoob hai wah kya jood hai sair sab ho gaye
Aise chashme hue ungliyon se rawan Shah-e-Kon o Makan
نام لیوا ہے جو میرے سرکار کا ہے جو اُن کا گدا
اُس پہ رحمت کا فرمائیں گے سائباں شاہِ کون و مکاں
Naam liwa hai jo mere Sarkar ka hai jo un ka gada
Us pe rehmat ka farmayenge saiban Shah-e-Kon o Makan
بات بِگڑی ہُوئی تیری بن جائے گی خوف مرزا نہ کر
میرے سرکار ہیں شافعِ عاصیاں شاہِ کون و مکاں
Baat bigri hui teri ban jaaye gi khauf Mirza na kar
Mere Sarkar hain shafi-e-Aasiyaan Shah-e-Kon o Makan
Share This Naat
Share with friends and family
تاجدارِ حرم اے شہِ انس و جاں شاہِ کون و مکاں
مرزا جاوید بیگ عطاری