ہر بات اِک صحیفہ تھی اُمّی رسُولؐ کی
الفاظ تھے خُدا کے زباں تھی رسُولؐ کی
Har baat ik sahifa thi ummi Rasoolؐ ki
Alfaz the Khuda ke zaban thi Rasoolؐ ki
وحدانیت کے پھُول کِھلے گرم ریت پر
دی سنگِ بے زباں نے گواہی رسُول ؐ کی
Wahdaniyat ke phool khile garm reet par
Di sang-e be zaban ne gawahi Rasoolؐ ki
بہبودی و فلاح کے جُگنو نِکل پڑے
تاریکیوں میں جب کھُلی مُٹھّی رسُول ؐ کی
Behboodi o falah ke jugno nikal pare
Tariqiyon mein jab khuli mutthi Rasoolؐ ki
پرچم تھے نقشِ پا کے ، سِتاروں کے ہاتھ میں
گُزری جو کہکشاں سے ، سواری رسُولؐ کی
Parcham the naqsh-e pa ke, sitaron ke haath mein
Guzri jo kehkashan se, sawari Rasoolؐ ki
سیڑھی لگائے عرشِ خُدا پر نبی کی یاد
چلتی ہے سانّس ، تھام کے اُنگلی رسُول ؐ کی
Seerhi lagae arsh-e Khuda par nabi ki yaad
Chalti hai saans, thaam ke ungli Rasoolؐ ki
دیکھیں گے میرے سر کی طرف لوگ حشر میں
چمکے گی تاج بن کے غُلامی رسُولؐ کی
Dekhenge mere sar ki taraf log hashr mein
Chamke gi taj ban ke ghulami Rasoolؐ ki
پہلا قدم ازل سے ابد آخرِ سَفر
پھیلی ہے کائنات پہ ہستی رسُولؐ کی
Pehla qadam azal se abad akhir-e safar
Phaili hai kainaat pe hasti Rasoolؐ ki
کُھلتے ہیں دَر کچھ اور مظؔفّر شعور کے
کرتا ہُوں جب مَیں بات خُدا کے رسُولؐ کی
Khulte hain dar kuch aur Muzzaffar shaoor ke
Karta hoon jab mein baat Khuda ke Rasoolؐ ki
Share This Naat
Share with friends and family
ہر بات اِک صحیفہ تھی اُمّی رسُولؐ کی
مظفر وارثی