جو غمگسارِ غریباں وہ چشمِ ناز نہ ہو
ہمارے عجز کی تلخی بہار ساز نہ ہو
Jo ghamgasa-r ghribaa-n wo chashm-e naaz na ho
Hamaaray ajz ki talkhi bahar saaz na ho
ہر ایک اوج عبادت ہے تیری نسبت سے
وہ کچھ نہیں تری نسبت پہ جس کو ناز نہ ہو
Har aik oaj ibaadat hai teri nisbat se
Wo kuch nahi teri nisbat pe jis ko naaz na ho
یہ فیصلہ ہے کرم کا ہر اک کرم کی اسا س
تری نگاہ سے پوشیدہ کوئی راز نہ ہو
Yeh faisla hai karam ka har aik karam ki asa-s
Teri nigaah se posheeda koi raaz na ho
نوازشیں تو مرے حال پر بُہت ہیں مگر
مزا تو جب ہے کہ دستِ طلب دراز نہ ہو
Nawazishein to mere haal par bahut hain magar
Maza to jab hai ke dast-e talab daraaz na ho
تمہاری یاد بھی محروم کیف رہتی ہے
جو آنکھ تر نہ ہو دل میں اگر گداز نہ ہو
Tumhari yaad bhi mehroom kaif rehti hai
Jo aankh tar na ho dil mein agar gudaaz na ho
رہے نہ میرے تصور میں گنبدِ خضریٰ
خدا کرے مری ایسی کوئی نماز نہ ہو
Rahe na mere tasawwur mein gumbad-e khazra
Khuda kare meri aisi koi namaaz na ho
اگر دعا میں نہ ہو واسطہ محمدؐ کا
قبولیت کیلئے کوئی بھی جواز نہ ہو
Agar dua mein na ho wastah Muhammadؐ ka
Qabooliyat ke liye koi bhi jawaaz na ho
مرا شعور مرے حق میں زہر بن جائے
مری طرف جو اگرچشمِ نیم باز نہ ہو
Mera shaoor mere haq mein zehr ban jaaye
Meri taraf jo agar chashm-e neem baaz na ho
اگر وضو نہ میسر ہو مجھ کو اشکوں سے
خدا گواہ کہ خالدؔ مری نماز نہ ہو
Agar wazoo na maisar ho mujh ko ashko-n se
Khuda gawah ke Khalid meri namaaz na ho
Share This Naat
Share with friends and family
جو غمگسارِ غریباں وہ چشمِ ناز نہ ہو
خالد محمود خالد