تم کعبہِء دل تم قبلہء جاں سرکارِ دو عالم شاہِ زماں
تم جانِ نظر تم روحِ رواں سرکارِ دو عالم شاہِ زماں
Tum ka'ba-e-dil tum qibla-e-jaan sarkar-e-do alam shah-e-zama
Tum jaan-e-nazar tum rooh-e-rawan sarkar-e-do alam shah-e-zama
یہ چاند یہ سورج یہ تارے یہ کوہ و بیاباں یہ ذرّے
روشن ہیں تمھیں سے کون و مکاں سرکارِ دو عالم شاہِ زماں
Yeh chaand yeh sooraj yeh taare yeh koh o beaban yeh zarray
Roshan hain tumhe se kon o maka sarkar-e-do alam shah-e-zama
تم پنہاں ہو تم ظاہر ہو تم شافعِ یومِ آخر ہو
تم فخر رُسل تم فخر جہاں سرکار دو عالم شاہِ زماں
Tum pinhaan ho tum zahir ho tum shafi'-e-yom-e-aakhir ho
Tum fakhr rusul tum fakhr jahan sarkar-e-do alam shah-e-zama
کیا دشت و چمن کیا فرشِ زمیں کیا ہفتِ فلک کیا عرشِ بریں
تم ہی ہو یہاں تم ہی ہو وہاں سرکارِ دو عالم شاہِ زماں
Kya dasht o chaman kya farsh-e-zameen kya haft-e-falak kya arsh-e-bareen
Tum hi ho yahan tum hi ho wahan sarkar-e-do alam shah-e-zama
ہوتے ہیں یہ دو عالم رقصاں پڑھتی ہے درود اُس وقت زباں
آتا ہے تمہارا نام جہاں سرکارِ دو عالم شاہِ زماں
Hote hain yeh do alam raqsan padhti hai durood us waqt zaban
Aata hai tumhara naam jahan sarkar-e-do alam shah-e-zama
تم عقدہ کُشائے ہر دو سرا تم مرکزِ فکرِ دستِ گدا
ہر شے پہ تمہارا ہے احساں سرکارِ دو عالم شاہِ زماں
Tum uqda kushaye har do sara tum markaz-e-fikr-e-dast-e-gada
Har shai pe tumhara hai ehsaan sarkar-e-do alam shah-e-zama
اس کو ہے مدینہ کا ارماں رہتا ہے سدا مضطر گریاں
بہزاؔد حزیں ہے نوحہ کناں سرکارِ دو عالم شاہِ زماں
Is ko hai Madina ka armaan rehta hai sada muztar gyran
Behzad hazein hai noha kunan sarkar-e-do alam shah-e-zama
Share This Naat
Share with friends and family
تم کعبہِء دل تم قبلہء جاں
بہزاد لکھنوی