میرے دل وچہ غماں دی اَگ بل دی یا رسول الله
مصیبت ایہہ ترے باہجھوں نہیں ٹَلدی یا رسول اللہ
Meray dil vich re ghaman di agg bal di ya Rasool Allah
Museebat aye teray baajhoun nahi tal di ya Rasool Allah
میرے اشکاں نے دتا کھور اے میرا بدن سارا
تے جِند میری پتاسے وانگ گل دی یارسول اللہ
Meray ashkan nay ditta khor ay mera badan sara
Te jind meri pataase wang gal di ya Rasool Allah
میری امید دی جھولی کدوں بھر پور ہووے گی
ایہہ سب خلقت ترے در توں ہے پل دی یا رسول اللہ
Meri umeed di jholi kadon bhar poor hovay gi
Ay sab khalqat teray dar ton hai pal di ya Rasool Allah
میں کی دساں تُساں نوں حال ہے معلوم سب میرا
ہے جند میری کیویں صدمات جھلدی یا رسول اللہ
Main ki dassan tusaan noon haal hai maloom sab mera
Hai jind meri kiwayn sadmaat jhald di ya Rasool Allah
دیہو دیدار تے بس ویہندیاں قربان ہو جاساں
ہے میری آرزو اکے ای پل دی یارسول اللہ
Deho deedaar te bas vehndiyan qurban ho jasan
Hai meri aarzoo ake ay pal di ya Rasool Allah
غماں نے اس طراں ایں چیریا سینہ تے دل میرا
ہے دو دھاری جِویں تلوار چل دی یارسول اللہ
Ghaman ne is taran ay cheria seenah te dil mera
Hai do dhari jiwayn talwaar chal di ya Rasool Allah
زیارت کر کے روضے دی میں صائم جان دے دیواں
ہے ہُن تے تاہنگ بس ایسے ای گل دی یا رسول اللہ
Ziyaarat kar ke roze di main saa'im jaan de diwan
Hai hun te tahang bas aise ay gal di ya Rasool Allah
Share This Naat
Share with friends and family
میرے دل وچہ غماں دی اَگ بل دی یا رسول الله
علامہ صائم چشتی