اللہ غنی کیسی وہ پر کیف گھڑی تھی
جب سامنے نظروں کے مدینے کی گلی تھی
Allah ghani kaisi woh pur kaif ghari thi
Jab samne nazron ke Madine ki gali thi
نظروں سے لئے بوسے کبھی ہونٹوں سے چوما
اس شہر کی ہر چیز مجھے خوب لگی تھی
Nazron se liye bose kabhi honton se chooma
Is shehar ki har cheez mujhe khoob lagi thi
لج پالوں کے لج پال کی چوکھٹ پہ کھڑا تھا
قسمت مری اُس در پہ کھڑی جھوم رہی تھی
Lajpalon ke lajpalo ki chaukhat pe khada tha
Qismat mari us dar pe khadi jhoom rahi thi
اُس نعت مقدس پہ ہر اک نغمہ تصدق
حسان نے جو نعت مدینے میں پڑھی تھی
Us naat e muqaddas pe har ik naghma tasaddaq
Hassan ne jo naat Madine mein padhi thi
کیفیت دل کیسے بتاؤں تمہیں لوگو
جب پہلی نظر گنبد خضری پہ پڑی تھی
Kaifiyat e dil kaise bataoon tumhe logo
Jab pehli nazar gumbad e khizra pe pari thi
مجرم تھا کھڑا سر کو جھکائے ہوئے در پر
آنسو تھے رواں ایسے کہ ساون کی جھڑی تھی
Mujrim tha khada sar ko jhukae hue dar par
Aansoo the rawan aise ke sawan ki jhari thi
اُس شہر کے ذرے تھے چمکتے ہوئے تارے
ہر چیز وہاں نور کے سانچے میں ڈھلی تھی
Us shehar ke zarre the chamakte hue tare
Har cheez wahan noor ke sanche mein dhali thi
لے ڈوبتے اعمال مرے مجھ کو نیازی
جا پہنچا مدینے مری تقدیر بھلی تھی
Le dhoobte aamaal mere mujh ko Niazi
Ja pohancha Madine mari taqdeer bhali thi
Share This Naat
Share with friends and family
اللہ غنی کیسی وہ پر کیف گھڑی تھی
عبدالستار نیازی