سر پر غلامی کی دستار باندھوں تن پر محمؐد کے رنگ پہنوں
دست طلب کے رکھوں بند ڈھیلےٗ پیروں میں زنجیرِ تنگ پہنوں
Sar par ghulami ki dastar bandhoun tan par Muhammad (S.A.W) ke rang pehnoun
Dast talab ke rakhoon band dheelay pairoon mein zanjeer-e-tang pehnoun
شفّاف ایسی طبیعت ہے اپنی میلا بدن بھی گوارا نہیں
کپڑے تو کپڑے ہیں میں روح پر بھی نکھرا ہوا انگ انگ پہنوں
Shaffaaf aisi tabiyat hai apni mela badan bhi gawara nahi
Kapray to kapray hain main rooh par bhi nakhra hua ang ang pehnoun
گھٹتے ہوئے فاصلوں کی مدد سے بڑھتا رہے میرا شوق سفر
پہنائیں جب ان کے رستے کے جھونکے خوش ہو کے احرام سنگ پہنوں
Ghattay hue faaslon ki madad se barhta rahay mera shauq safar
Pehnaen jab un ke raste ke jhonkay khush ho ke ehraam sang pehnoun
سب سے بڑا نفس دشمن ہے میرا سر کوبی نفس کے واسطے
تنہائیوں میں بھی اکثر میں آقاؐ پوشاکِ میدان جنگ پہنوں
Sab se bara nafs dushman hai mera sard kobi nafs ke wastay
Tanhaiyon mein bhi aksar main Aqa (S.A.W) poshak-e-maidan-e-jang pehnoun
باہر نکل آئے اندر کا چہرہ تو آئنہ مجھ پہ ہنسنے لگے
کر دو مرے دیدہ دل بھی صیقل کب تک گناہوں کا زنگ پہنوں
Baher nikal aaye andar ka chehra to aaina mujh pe hansne lagay
Kar do mere deeda dil bhi saiql kab tak gunaahon ka zang pehnoun
حسرت سے لعل و گہر مجھ کو دیکھیں رعنائیاں رشک مجھ پر کریں
تقوے میں صبر و قناعت پرو کر میں مصطفؐےٰ کا ملنگ پہنوں
Hasrat se laal o gaher mujh ko dekhein ranaiyan rashk mujh par karein
Taqway mein sabr o qanaat paro kar main Mustafaye (S.A.W) ka malang pehnoun
مارے ہیں کتنے ملامت کے پتھر پھر بھی نہ آقاؐ کے لائق ہوا
کیا ٹوٹے پھوٹے بدن پر مظفر اب جامہء نام و ننگ پہنوں
Maare hain kitne malaamat ke pathar phir bhi na Aqa (S.A.W) ke laayk hua
Kya toote phootay badan par Muzaffar ab jama-e-naam o nang pehnoun
Share This Naat
Share with friends and family
سر پر غلامی کی دستار باندھوں
مظفر وارثی