اے سرور کون و مکاںؐ
محبوبِ خلاقِ جہاںؐ
Ae sarwar-e-kon o maka'n ﷺ
Mahboob-e-khalaq-e-jaha'n ﷺ
اے مونسِ خستہ دلاںؐ
چارہ گرِ بے چارگاں
Ae monis-e-khasta dila'n ﷺ
Charah gar-e-bay charagan
اے نازنیں، اے دل رُبا
اے خاورِ ہفت آسماں
Ae naazneen, ae dil ruba
Ae khawar-e-haft aasman
مطلوبِ عالم آپؐ ہیں
کونین کی رُوحِ رواں
Matloob-e-aalam aap ﷺ hain
Konain ki rooh-e-rawa'n
توؐ محتشم توؐ منفرد
تیراؐ کوئی ہمسر کہاں
Tu ﷺ mohtasham, tu ﷺ munfarid
Tera ﷺ koi humsar kahan
تیراؐ شعورِ آگہی
تاریکیوں میں ضوفشاں
Tera ﷺ shaoor-e-aagahi
Tareekiyon mein zaufasha'n
توؐ بحرِ حکمت بے شبہ
توؐ رہبرِ دانشوراں
Tu ﷺ bahr-e-hikmat bay shuba
Tu ﷺ rehbar-e-danishwara'n
کیسے کروں مدحت رقم
الفاظ عاجز، ناتواں
Kaise karun madahat raqam
Alfaaz aajiz, naatwa'n
توؐ شہرِ علم و آگہی
عرفان کا کوہِ گراں
Tu ﷺ shehr-e-ilm o aagahi
Irfan ka koh-e-gara'n
اشکِ رواں تیرےؐ لیے
تیرےؐ لیے ہم شادماں
Ashk-e-rawa'n tere ﷺ liye
Tere ﷺ liye hum shaadma'n
جانِ جہاں اشفاقؔ پر
رہنا ہمیشہ مہرباں
Jaan-e-jaha'n Ashfaq par
Rehna hamesha mehraba'n
Share This Naat
Share with friends and family
اے سرور کون و مکاںؐ
اشفاق احمد غوری