خوبصورت زندگی ، بہتر زمانے کے لئے
اتّباعِ مصطفےٰؐ ہے ہر زمانے کے لئے
Khoobsurat zindagi, behtar zamaanay kay liye
Ittiba-e-Mustafa ﷺ hai har zamaanay kay liye
آدمیّت ان کے احسانوں کے آنگن میں پلی
قبلہ گاہِ عشق ان کا گھر زمانے کے لئے
Aadmi-yat un kay ehsanon kay aangan mein pali
Qibla gah-e-ishq un ka ghar zamaanay kay liye
جس نے پہنا ، دین و دنیا کا حسیں وہ بن گیا
آپ ؐ کا سایہ بھی ہے زیور زمانے کے لئے
Jis nay pehna, deen o duniya ka haseen woh ban gaya
Aap ﷺ ka saaya bhi hai zevar zamaanay kay liye
رحمت اللّعالمیں جیسا نبیؐ درکار تھا
اس قدر ظالم غبی خود سر زمانے کے لئے
Rehmat ul-lil aalameen jaisa Nabi ﷺ darkar tha
Is qadar zaalim ghabii khud sar zamaanay kay liye
ایک جانب ساری دنیا ایک جانب صرف وہ
انکی تنہائی بھی تھی لشکر زمانے کے لئے
Ek jaanib saari duniya ek jaanib sirf woh
Unki tanhai bhi thi lashkar zamaanay kay liye
اب مظفر سکّہء آقاؐ چلے گا حشر تک
اب نہیں آئیں گے پیغمبر زمانے کے لئے
Ab Muzaffar sikka-e-Aqa ﷺ chalay ga hashr tak
Ab nahi aayenge paighambar zamaanay kay liye
Share This Naat
Share with friends and family
خوبصورت زندگی ، بہتر زمانے کے لئے
مظفر وارثی