نظر کا نور، دلوں کے لیے قرار دُرود
عقیدتوں کا چمن روح کا نکھار دُرود
Nazar ka nur, dilon ke liye qarar durud
Aqeedaton ka chaman ruh ka nikhar durud
چراغ ایسا کہ ظلمت کدے چمک اٹھیں
غموں کی دھوپ میں ہے ابرِ سایہ دار دُرود
Charagh aisa keh zulmat kade chamak uthain
Ghamon ki dhoop men hai abr-e saaya dar durud
ہمارے جذبہء ایماں کی پرورش کر کے
بِنائے دین کو کرتا ہے اُستوار دُرود
Hamare jazba-e imaan ki parwarish kar ke
Bina-e deen ko karta hai ustwar durud
دُرود روح کی بالیدگی کا ساماں ہے
جبینِ شوق کو دیتا ہے اک نکھار دُرود
Durud ruh ki baleedgi ka samaan hai
Jabeen-e shoq ko deta hai ek nikhar durud
دُرود نغمۂ نعتِ نبی کا سرگم ہے
سدا بہار دعاؤں کا ہے وقار دُرود
Durud naghma-e naat-e nabi ka sargam hai
Sada bahar duawon ka hai waqar durud
گلاب ذہن کے پردوں پر کھلنے لگتے ہیں
مری زباں پہ جب آتا ہے مشک بار درُود
Gulaab zehan ke pardon per khilne lagte hain
Meri zuban pe jab aata hai mushk bar durud
دُرود زمزمۂ وقت ہے، ترانہ ہے
حریمِ ذات میں پڑھتا ہے کردگار دُرود
Durud zamzama-e waqt hai, tarana hai
Hareem-e zaat men parhta hai kar duggar durud
جبینِ قلب پہ شاکرؔ رقم ہے یہ تحریر
دُرود، سرورِ عالم پہ بار بار دُرود
Jabeen-e qalb pe Shakir raqam hai yeh tehreer
Durud, sarwar-e alam pe bar bar durud
Share This Naat
Share with friends and family
نظر کا نور، دلوں کے لیے قرار دُرود
سیّد شاکر القادری چِشتی نِظامی