جو ہے کوئی زمانے میں تو لا مُجھ کو دِکھا زندہ
دِلوں میں اہلِ ایماں کے ہیں جیسے مُصطفٰےْ زندہ
Jo hai koi zamane mein to la mujh ko dikha zinda
Dilon mein Ahl-e-Iman ke hain jaise Mustafa zinda
نبی کی زندگی تو پھر کہیں ارفع و اعلٰی ہے
یہاں قُرآں کی صورت میں نبی کا معجزہ زندہ
Nabi ki zindagi to phir kahin urfa o aala hai
Yahan Quran ki surat mein Nabi ka mojza zinda
وہ رہ کر اپنے روضے میں ، نظر رکھتے ہیں سب ہی پر
ہوئی چشمِ کرم جس پر ، اُسی کو کر دیا زندہ
Woh reh kar apne roze mein, nazar rakhte hain sab hi par
Hui chashm-e-karam jis par, usi ko kar diya zinda
زمیں مُردہ ، مرض تھے چار سُو یثرب کی بستی میں
قدومِ پاک کی برکت سے کی ارضِ وبا زندہ
Zameen murda, marz the char su Yathrab ki basti mein
Qudoom-e-paak ki barkat se ki arz-e-waba zinda
وہ مُرجھائیں بھلا کیسے کسی صر صر کے جھونکوں سے
کہ جن پھولوں کو رکھتی ہے مدینے کی ہوا زندہ
Woh murjhayen bhala kaise kisi sar sar ke jhonkon se
Ke jin phoolon ko rakhti hai Madine ki hawa zinda
دلوں میں بس گئی جن کے مُحبّت میرے آقاْ کی
تو اِس دھرتی کے سینے پر وہی ہیں با وفا زندہ
Dilon mein bas gayi jin ke muhabbat mere Aqa ki
To is dharti ke sine par wahi hain ba wafa zinda
جو چنگاری ہے سینوں میں ، اِسے شعلہ بنا دینا
کہ رکھتی ہے یہ سینوں میں دلوں کو اے خُدا ! زندہ
Jo chingari hai seenon mein, ise shola bana dena
Ke rakhti hai yeh seenon mein dilon ko aye Khuda! zinda
جِلانا مردہ بندوں کو کرامت ہے غُلاموں کی
پُکارا شاہِ جیلاں نے تو مُردہ ہو گیا زندہ
Jilana murda bandon ko karamat hai ghulamon ki
Pukara Shah-e-Jeelan ne to murda ho gaya zinda
جو سُن کر حُکمِ جآءُوکَ ، درِ اقدس پہ جا پہنچے
اُٹھے دستِ کرم اُن کے ، ہوئے وہ پُر خطا زندہ
Jo sun kar hukum-e-ja'ooka, dar-e-aqdas pe ja pahuche
Uthe dast-e-karam un ke, huwe woh pur khata zinda
جو نامُوسِ رسالت پر خوشی سے دار کو چُومیں
اُنہی کے نام زندہ ہیں ، اُنہی کا تذکرہ زندہ
Jo namoos-e-Risalat par khushi se daar ko choomeen
Unhi ke naam zinda hain, unhi ka tazkira zinda
مرے سینے میں ہے اُن کی مُحبّت کا دیا روشن
اُسی کے دم قدم سے ہے جلیلِ بے نوا زندہ
Mere seene mein hai un ki muhabbat ka diya roshan
Usi ke dam qadam se hai Jaleel-e-be-nawa zinda
Share This Naat
Share with friends and family
جو ہے کوئی زمانے میں تو لا مُجھ کو دِکھا زندہ
حافظ عبدالجلیل