قدرت نے میرے دل میں بھرے مصطفؐےٰ کے رنگ
بہتے ہیں میری آنکھ سے صلِّ علیٰ کے رنگ
Qudrat ne mere dil mein bhare Mustafa ke rang
Behte hain meri aankh se Sall-e Ala ke rang
یوں آنسوؤں میں خاک قدم ہے رسول کی
پانی میں جس طرح کوئی رکھ دے ملا کے رنگ
Yun aansuon mein khaak-e-qadam hai Rasool ki
Pani mein jis tarah koi rakh de mila ke rang
رونے سے کہکشائیں سی مجھ میں بکھر گئیں
بارش کے بعد دیکھ رہا ہوں گھٹا کے رنگ
Rone se kehkaShain si mujh mein bikhar gain
Barish ke baad dekh raha hoon ghata ke rang
بخشے ہمیں ہمارے رسالت مآب نے
انصاف کے یقین کے صدق و صفا کے رنگ
BakhShe humein hamare Rasalat Maab ne
InSaaf ke yaqeen ke Sidq o Safa ke rang
یہ سارا معجزہ ہے درود سلام کا
دیکھی ہے میں نے لفظ کی خوشبو صدا کے رنگ
Yeh sara mo'jza hai Durood Salam ka
Dekhi hai mein ne lafz ki khushbu sada ke rang
کھلتے ہیں پھول کی طرح شاخ و شجر بغیر
دستِ دعا کی روشنیوں میں دعا کے رنگ
Khulte hain phool ki tarah Shaakh o shajar baghair
Dast-e-dua ki roShnio mein dua ke rang
لوٹی ہے خوب بندگیوں کی بہار بھی
خوشبو چُنی رکوع میں ٗ سجدے میں جا کے رنگ
Loti hai khoob bandgiyon ki bahar bhi
Khushbu chuni ruku mein, sajde mein ja ke rang
ہر چند موت کوئی مصّور نہیں مگر
آئے گی میرے پاس وہ لے کر بقا کے رنگ
Har chand maut koi musawwar nahi magar
Aye gi mere paas woh le kar baqa ke rang
احرام زرد صرف مظفر کو چاہیے
اچھے لگیں نہ سادگیوں کو قبا کے رنگ
EhRaam zard sirf Muzaffar ko chahiye
Achay lagen na sadgiyon ko qaba ke rang
Share This Naat
Share with friends and family
قدرت نے میرے دل میں بھرے
مظفر وارثی