اک روز مرے خواب میں آئیں تو عجب کیا
خوابیدہ مقدر کو جگائیں تو عجب کیا
Ek roz mere khawab mein aayein to ajab kya
Khabeeda muqaddar ko jagayen to ajab kya
سرکار کی صورت کو نگاہوں میں بسا کر
اس دل کو مدینہ جو بنائیں تو عجب کیا
Sarkar ki surat ko nigahon mein basa kar
Is dil ko madina jo banayen to ajab kya
یادِ شہِ کونین میں تڑپا کریں ہر دم
اشکوں کے گُہر خوب لٹائیں تو عجب کیا
Yaad-e-Shahe Kainat mein tarpa karein har dam
Ashkon ke gohar khoob lutayen to ajab kya
تکمیلِ وفا کے لیے عشّاقِ پیمبر
اسلام پہ سر اپنا کٹائیں تو عجب کیا
Takmeel-e-wafa ke liye ashaaq-e-Paimbar
Islam pe sar apna katayen to ajab kya
وہ حسن و ملاحت میں ہیں یکتائے زمانہ
پُر کیف ہیں گر ان کی ادائیں تو عجب کیا
Woh husn o malahat mein hain yaktaye zamana
Pur kaif hain gar un ki adayein to ajab kya
اسباب ہیں مفقود، مگر ان کے کرم سے
روضے پہ کبھی نعت سنائیں تو عجب کیا
Asbab hain mafqood, magar un ke karam se
Roze pe kabhi naat sunayen to ajab kya
جو مظہرِ حق مالکِ کل ختمِ رسل ہیں
قدرت کے کرشمے وہ دکھائیں تو عجب کیا
Jo Mazhar-e-Haq Malik-e-Kul Khatm-e-Rasl hain
Qudrat ke karishme woh dikhayen to ajab kya
ہیں بعدِ خدا آپ ہی تعریف کے لائق
یہ بات زمانے کو بتائیں تو عجب کیا
Hain ba'd-e-Khuda aap hi tareef ke laayak
Ye baat zamane ko batayen to ajab kya
خالق نے بنایا ہے انہیں رحمتِ عالم
امت کے لیے آنسو بہائیں تو عجب کیا
Khaliq ne banaya hai unhein Rehmat-e-Alam
Ummat ke liye aansu bahayen to ajab kya
بخشی ہے خدا نے انہیں وہ طاقت و قوت
مہتاب کو انگلی پہ نچائیں تو عجب کیا
Bakhshi hai Khuda ne unhein woh taqat o quwwat
Mahtab ko ungli pe nachayen to ajab kya
وہ رحمتِ عالم ہیں، وہی شافع محشر
مجرم کو وہ دامن میں چھپائیں تو عجب کیا
Woh Rehmat-e-Alam hain, wohi Shafi'e Mahshar
Mujrim ko woh daaman mein chupayen to ajab kya
بھر دیتے ہیں دامن کو مرادوں سے وہ احمدؔ
ہم جا کے انہیں دکھڑا سنائیں تو عجب کیا
Bhar dete hain daaman ko muraadon se woh Ahmed
Hum ja ke unhein dukhra sunayen to ajab kya
Share This Naat
Share with friends and family
اک روز مرے خواب میں آئیں تو عجب کیا
مولانا طفیل احمد مصباحی