سجدے جبیں جبیں ہیں دعائیں زباں زباں
سوئے حرم چلے ہیں مسافر کشاں کشاں
Sajde jabeen jabeen hain duaayein zubaan zubaan
Sooe haram chale hain musaafir kashaan kashaan
احساسِ معصیت سے ہے لرزاں بدن بدن
اور چشم شرمسار ہے آنسو رواں رواں
Ehsaas-e-maasiyat se hai larzaan badan badan
Aur chashm sharmasaar hai aansoo rawaan rawaan
طے ہورہی ہے راہِ طلب یوں قدم قد م
شاداں عیاں عیاں ہیں پشیماں نہاں نہاں
Tai horahi hai raah-e-talab yun qadam qadam
Shaadaan ayaa'n ayaa'n hain pashimaan nahaan nahaan
جوئے فلک فلک ہیں ‘ اجالے فضا فضا
چمکا ہے آفتاب رسالت کہاں کہاں
Jooe falak falak hain ‘ ujale fazaa fazaa
Chamka hai aaftaab-e-risaalat kahaan kahaan
پھوٹی وہیں وہیں سے تجلی کرن کرن
لوحِ جبینِ پاک جھکی ہے جہاں جہاں
Phooti wahin wahin se tajalli kiran kiran
Loh-e-jabeen-e-paak jhuki hai jahaan jahaan
مانو تو ہر صدائے موذن ہے اک پیام
سمجھو تو ہے ندائے محمد ﷺ اذاں اذاں
Maano to har sadaaye moazzin hai ek payaam
Samjho to hai nadaaye Muhammad ﷺ azaan azaan
گزرے جو ہم مدینے کی گلیوں سے یوں لگا
خوشبو چمن چمن ہے ‘ بہاریں جناں جناں
Guzre jo hum madine ki galiyon se yun laga
Khushboo chaman chaman hai ‘ bahaaren janaan janaan
بیٹھا ہے آستانے پہ اقباؔل گو خموش
برپا ہے دل میں ایک تلاطم نہاں نہاں
Baitha hai aastane pe Iqbal go khamoosh
Barpa hai dil mein ek talaatum nahaan nahaan
Share This Naat
Share with friends and family
سجدے جبیں جبیں ہیں دعائیں زباں زباں
پروفیسراقبال عظیم