میرا گھر غیرتِ خورشیدِ دَرخشاں ہوگا
خیر سے جانِ قمر جب کبھی مہماں ہوگا
Mera ghar ghairat-e khursheed-e darakhshaan hoga
Khair se jaan-e qamar jab kabhi mehrbaan hoga
جو تبسم سے عیاں اِک دُرِ دَنداں ہوگا
ذَرَّہ ذَرَّہ مرے گھر کا مَہِ تاباں ہوگا
Jo tabassum se aaya ik dur-e dandan hoga
Zara zara mere ghar ka mah-e tabaan hoga
کیوں مجھے خوف ہو محشر کا کہ ہاتھوں میں مرے
دامنِ حامیِ خود ماحیِ عصیاں ہوگا
Kyun mujhe khauf ho mahshar ka ke hatho mein mere
Daaman-e haami-e khud mahi-e asyaan hoga
پلہ عصیاں کا گراں بھی ہو تو کیا خوف مجھے
میرے پلے پہ تو وہ رحمتِ رَحماں ہوگا
Palla asyaan ka garan bhi ho to kya khauf mujhe
Mere palle pe to woh rehmat-e rahmaan hoga
مجھ سے عاصی کو جو بے داغ چھڑا لائیں گے
اَہلِ محشر میں جو دیکھے گا وہ حیراں ہوگا
Mujh se aasi ko jo be daagh chhura laenge
Ahl-e mahshar mein jo dekhe ga woh hairaan hoga
کوئی منہ میرا تکے گا کہ یہ وہ عاصی ہے
جس کو ہم جانتے تھے داخلِ میزاں ہوگا
Koi moun mera take ga ke yeh woh aasi hai
Jis ko hum jaante the dakhil-e meezan hoga
کوئی اس رحمتِ عالم پہ تصدق ہوگا
کوئی یہ شانِ کرم دیکھ کے قرباں ہوگا
Koi is rehmat-e aalam pe tasaddaq hoga
Koi yeh shaan-e karam dekh ke qurban hoga
ماجرا دیکھ کے ہوگا یہ کسی کو سکتہ
اِک تعجب سے وہ اَنگشت بدنداں ہوگا
Majra dekh ke hoga yeh kisi ko sakta
Ik taajjub se woh angusht budandan hoga
ان کی حیرت پہ کہوں گا کہ تعجب کیا ہے
خود خدا ہوگا جدھر سروَرِ ذِیشاں ہوگا
Un ki hairat pe kahunga ke taajjub kya hai
Khud Khuda hoga jidhar sarwar-e zeeshaan hoga
دَم نکل جائے تمہیں دیکھ کے آسانی سے
کچھ بھی دشوار نہ ہوگا جو یہ آساں ہوگا
Dam nikal jaye tumhein dekh ke aasaani se
Kuch bhi dushwar na hoga jo yeh aasaan hoga
زخم پر زخم یہی کھائے یہی قتل بھی ہو
خونِ مسلم ابھی کیا اس سے بھی اَرزاں ہوگا
Zakhm par zakhm yehi khaye yehi qatal bhi ho
Koon-e musalman abhi kya is se bhi arzaan hoga
بھیڑیوں کا ہے یہ جنگل نہیں کوئی رَاعی
بھولی بھیڑوں کا شہا کون نگہباں ہوگا
Bhediyon ka hai yeh jungle nahi koi raai
Bhooli bheidon ka shah kon nigehbaan hoga
ظلم پر ظلم سہے اور سزائیں بھگتے
اور اُف کی تو تہ خنجرِ بُرَّاں ہوگا
Zulm par zulm sahe aur sazaayen bhugte
Aur uf ki to tah khanjar-e burraan hoga
یہی اَندھیر اگر اور بھی کچھ روز رہا
تو مسلماں کا نشاں بھی نہ نمایاں ہوگا
Yahi andher agar aur bhi kuch roz raha
To musalman ka nishaan bhi na nimayaan hoga
صبحِ روشن کی سیہ بختی سے اب شام ہوئی
کب قمر نور دَہِ شامِ غریباں ہوگا
Subh-e roshan ki siyah bakhti se ab shaam hui
Kab qamar noor deh-e shaam-e ghareebaan hoga
تو اگر چاہے ملے خاک میں سلطانِ زماں
تیرا بندہ کوئی تو چاہے تو سلطاں ہوگا
Tu agar chahe mile khaak mein sultan-e zamana
Tera banda koi to chahe to sultaan hoga
ظلمتِ قبر کا کیا خوف مجھے اے نوریؔ
جب مرے قلب میں اِیمان کا لمعاں ہوگا
Zulmat-e qabr ka kya khauf mujhe aye Noori
Jab mere qalb mein imaan ka lumaan hoga
Share This Naat
Share with friends and family
میرا گھر غیرتِ خورشیدِ دَرخشاں ہوگا
مفتی مصطفٰی رضا خان