ربّ کے محبوب کی ہر بات ہے اعلیٰ افضل
سارے عالم میں وہی ذات ہے اعلیٰ افضل
Rab ke mehboob ki har baat hai aala afzal
Saare aalam mein wohi zaat hai aala afzal
مصدرِ آیۂ رحمات ہے اعلیٰ افضل
محورِ نقطۂ برکات ہے اعلیٰ افضل
Masdar-e aayah e rehmat hai aala afzal
Mehvar-e nuqta-e barkat hai aala afzal
صاحبِ حسن و کمالات ہے اعلیٰ افضل
واجبِ عزّ و کرامات ہے اعلیٰ افضل
Sahib-e husn o kamalaat hai aala afzal
Wajib-e izz o karamat hai aala afzal
وجہِ لولاک و سمٰوٰت ہے اعلیٰ افضل
باعثِ کون و مکانات ہے اعلیٰ افضل
Wajah e lolaak o samaawaat hai aala afzal
Baa'is e koun o makanaat hai aala afzal
صاحب ذکر و اشارات ہے اعلیٰ افضل
منبعِ رشد و ہدایات ہے اعلیٰ افضل
Sahib zikr o ishaaraat hai aala afzal
Manba-e rushd o hidaayat hai aala afzal
مخزنِ جملہ امانات ہے اعلیٰ افضل
قاسمِ جملہ عنایات ہے اعلیٰ افضل
Makhzan e jumla amaanat hai aala afzal
Qasim e jumla anaayaat hai aala afzal
جس زمانے میں وہ خورشیدِ رسالت چمکا
ہاں وہی عرصۂ لمعات ہے اعلیٰ افضل
Jis zamane mein woh khursheed e risaalat chamka
Haan wohi arsa-e lam'aat hai aala afzal
شبِ تاریک میں وہ نُورِ حقیقت پھوٹا
مطلعِ صبحِ سعادات ہے اعلیٰ افضل
Shab-e tareek mein woh noor-e haqiqat phoota
Matla-e subh e sa'adat hai aala afzal
جس نے اصحاب کو دورانِ جماعت دیکھا
حجرۂ نُور کی وہ جھات ہے اعلیٰ افضل
Jis ne as'haab ko dauraan e jama'at dekha
Hujra-e noor ki woh jhaat hai aala afzal
خالی جھولی تھی مگر ان کے کرم سے پُر ہے
ان کے دربار کی خیرات ہے اعلیٰ افضل
Khaali jholi thi magar unke karam se pur hai
Unke darbaar ki khaira'at hai aala afzal
میری اوقات ہی کیا ہے کہ کوئی نعت کہوں
ان کے احسان کی بس بات ہے اعلیٰ افضل
Meri auqaat hi kya hai keh koi naat kahun
Unke ehsaan ki bas baat hai aala afzal
Share This Naat
Share with friends and family
ربّ کے محبوب کی ہر بات ہے اعلیٰ افضل
محمد ظفراقبال نوری