رودادِ انبساط کا عنواں ہے تیری یاد
سب کیلئے نشاط کا ساماں ہے تیری یاد
Rodaad-e-inbisaat ka unwaan hai teri yaad
Sab ke liye nishaat ka saamaan hai teri yaad
ہر دَور میں پیامِ مسرت ہے تیرا ذکر
ہر فصل میں بہار بداماں ہے تیری یاد
Har dor mein payaam-e-masarrat hai tera zikr
Har fasl mein bahaar badaamaan hai teri yaad
افکارِ دو جہاں کا مداوا ہے تیرا نام
آلامِ روزگار کا درماں ہے تیری یاد
Afkaar-e-do jahan ka madaawa hai tera naam
Aalaam-e-rozgaar ka darmaan hai teri yaad
روشن ہے جِس کی ضُو سے جہانِ دل و نظر
وہ شمع تابناک و فروزاں ہے تیری یاد
Roshan hai jis ki zoo se jahan-e-dil o nazar
Woh shama taabnaak o farozaan hai teri yaad
جاہ و جلال اِن کی نگاہوں میں کیا جچے
مال و منالِ خاک نشیناں ہے تیری یاد
Jaah o jalaal in ki nigaahon mein kya jhachay
Maal o manaal-e-khaak nasheenaa'n hai teri yaad
Share This Naat
Share with friends and family
رودادِ انبساط کا عنواں ہے تیری یاد
حفیظ تائب