ہُوا جو اہلِ ایماں پر وہی احسان باقی ہے
اُسی کا ہی یہ صدقہ ہے کہ یہ ایمان باقی ہے
Huwa jo ahl-e-imaan par wohi ehsaan baqi hai
Usi ka hi yeh sadqa hai ke yeh imaan baqi hai
کتابیں سب رسولوں پر، اُتاریں میرے مولا نے
مگر جس کی حفاظت کی ، وہی قُرآن باقی ہے
Kitabein sab Rasulon par, utaarein mere Maula ne
Magar jis ki hifazat ki, wohi Qur'an baqi hai
مرے آقا نے فرمایا، اُتارے سب کے دُنیا میں
مرے صدّیق کا مُجھ پر، مگر احسان باقی ہے
Mere Aaqa ne farmaya, utaare sab ke duniya mein
Mere Siddiq ka mujh par, magar ehsaan baqi hai
درود اُن پر ، سلام اُن پر ، اثاثہ زندگانی کا
مرے زادِ سفر میں تو یہی سامان باقی ہے
Darood un par, salaam un par, asaasa zindagani ka
Mere zaad-e-safar mein to yahi saamaan baqi hai
کرن اُمّید کی پُھوٹی ، سُنا جو حُکمِ جَاءُوکَ
ترے در پر ہی بخشش کا شہا ! اِمکان باقی ہے
Kiran ummid ki phooti, suna jo hukme jaauka
Tere dar par hi bakhshish ka shaha! imkan baqi hai
اُنہی سے ہے شفاعت کی ہمیں امید محشر میں
ہمارے بخشے جانے کا یہی اِمکان باقی ہے
Unhi se hai shafaat ki humein ummid mahshar mein
Hamare bakhshay jane ka yahi imkan baqi hai
فنا ہو گی ہر اِک شے کو سوائے ذاتِ یزداں کے
سو باقی ہے درود اُن پر کہ خود یزدان باقی ہے
Fana ho gi har ik shay ko sawae zaat-e-Yazdaan ke
So baqi hai darood un par ke khud Yazdan baqi hai
مدینے جا کے دیکھا ہے ترے روضے کو جی بھر کر
مگر طیبہ میں ہو مدفن ،شہا ! ارمان باقی ہے
Madine ja ke dekha hai tere rozay ko ji bhar kar
Magar Tayyiba mein ho madfan, shaha! armaan baqi hai
توانائی بچا رکھنا کہ منزل ہے کٹھن ، کیونکہ
درِ جاناں پہ جانا تو دلِ نادان ، باقی ہے
Tawanai bacha rakhna ke manzil hai kathin, kyunke
Dar-e-Janaan pe jana to dil-e-naadaan, baqi hai
جلیل اپنی تو کاوش ہے فقط ، اُن کی ثنا گوئی
سو اُن کو پیش کرنے کو ، یہی دیوان باقی ہے
Jaleel apni to koshish hai faqat, un ki sana goyi
So unko pesh karne ko, yahi diwan baqi hai
Share This Naat
Share with friends and family
ہُوا جو اہلِ ایماں پر وہی احسان باقی ہے
حافظ عبدالجلیل