آدم کا افتخار ہیں خیر البشر ہیں آپؐ
مولائے کل ہیں آپ شہِ بحر و بر ہیں آپؐ
Adam ka iftikhar hain khair ul bashar hain aap ﷺ
Moula e kul hain aap shah e bahr o bar hain aap ﷺ
صد رشکِ کہکشاں رُخِ زیبا ہے آپ کا
رشکِ جمالِ انجم و شمس و قمر ہیں آپؐ
Sad rashk e kehkashan rukh e zeba hai aap ka
Rashk e jamal e anjum o shams o qamar hain aap ﷺ
لات و ہبل حرم کے زمیں بوس ہیں ادھر
آغوشِ آمنہ میں ادھر جلوہ گر ہیں آپؐ
Laat o hubal haram ke zameen boos hain idhar
Aghosh e amna mein idhar jalwa gar hain aap ﷺ
واقف نہیں وہ شانِ نبوت کے وصف سے
کہتا ہے جو نبی ہیں مگر بے خبر ہیں آپؐ
Waqif nahin wo shan e nabuwat ke wasf se
Kehta hai jo nabi hain magar be khabar hain aap ﷺ
سنتے ہیں خود درود غلاموں کے قبر میں
اور ان کے حالِ زار سے بھی باخبر ہیں آپؐ
Suntay hain khud darood ghulamon ke qabr mein
Aur un ke haal e zar se bhi ba khabar hain aap ﷺ
وابستہ آپ سے جو ہوا کامراں ہوا
اہلِ جہاں کے واسطے وہ راہبر ہیں آپؐ
Wabasta aap se jo huwa kamran huwa
Ahl e jahan ke wastay wo raahbar hain aap ﷺ
ثانی نہیں ہے آپ کا کوئی بھی یا نبیؐ
بے مثل کائنات میں المختصر ہیں آپؐ
Sani nahin hai aap ka koi bhi ya nabi ﷺ
Be misl kainat mein almukhtasar hain aap ﷺ
کل انبیا میں آپ میں بس ہے یہ امتیاز
اوصاف میں ہیں خوب سبھی خوب تر ہیں آپؐ
Kul anbiya mein aap mein bas hai ye imtiaz
Awsaf mein hain khoob sabhi khoob tar hain aap ﷺ
لطف وعطا کی ایک نظر کیجیے حضورؐ
احسنؔ کے حالِ زار سے جب باخبر ہیں آپؐ
Lutf o ata ki aik nazar kijiye huzoor ﷺ
Ahsan ke haal e zar se jab ba khabar hain aap ﷺ
Share This Naat
Share with friends and family
آدم کا افتخار ہیں خیر البشر ہیں آپؐ
احسن اعظمی