کاغذ پر وہ نام لکھوں تو رو پڑتا ہوں
میں رحمت کے پھول چُنوں تو رو پڑتا ہوں
Kaaghaz par woh naam likhoon to ro parta hoon
Main rehmat ke phool chunoon to ro parta hoon
دل کے بندھن ٹوٹ گئے ہیں فرطِ غم سے
اب میں ان کی نعت کہوں تو رو پڑتا ہوں
Dil ke bandhan toot gaye hain fart-e-gham se
Ab main un ki naat kahoon to ro parta hoon
جس جس نے بھی ساتھ دیا تھا آنحضرت کا
اُن سب کے میں نام گِنوں تو رو پڑتا ہوں
Jis jis ne bhi saath diya tha Aanhazrat ka
Un sab ke main naam ginnoon to ro parta hoon
جن کے صدقے پار لگے گی سب کی نیّا
اُن کا مَیں فرمان سُنوں تو رو پڑتا ہوں
Jin ke sadqe paar lage gi sab ki naiyya
Un ka main farmaan sunoon to ro parta hoon
جن کی راہیں چُوم رہے ہیں قدسی کب سے
اُن کا پل بھر ساتھ نہ دوں تو رو پڑتا ہوں
Jin ki rahein choom rahe hain qudsi kab se
Un ka pal bhar saath na doon to ro parta hoon
اُن کا روضہ چُوم رہے ہوں جب دیوانے
اُس لمحے کا ساتھ نہ دوں تو رو پڑتا ہوں
Un ka roza choom rahe hoon jab deewane
Us lamhe ka saath na doon to ro parta hoon
جس کی خاطر پھول کھلے ہیں صحرا صحرا
اُس خوشبو کو یاد کروں تو رو پڑتا ہوں
Jis ki khatir phool khile hain sehra sehra
Us khushboo ko yaad karoon to ro parta hoon
دن میں کتنی بار ادب سے اُن کا انجؔم
جی بھر کر میں نام نہ لوں تو رو پڑتا ہوں
Din me kitni baar adab se un ka Anjum
Ji bhar kar main naam na loon to ro parta hoon
Share This Naat
Share with friends and family
کاغذ پر وہ نام لکھوں تو رو پڑتا ہوں
انجم نیازی