ہمیں نسبت ہے آقاؐ سے یہ نسبت ہم کو کافی ہے
محبت ہی محبت ہے معافی ہی معافی ہے
Humein nisbat hai Aqa (ﷻ) se ye nisbat hum ko kaafi hai
Mohabbat hi mohabbat hai maafi hi maafi hai
ہماری زندگانی بٹ گئی ہے دو قبیلوں میں
نظر آوارہء اسباب ہے دل اعتکافی ہے
Hamari zindagani bat gayi hai do qabeelon mein
Nazar awara-e-asbab hai dil aitkafi hai
ہم ان سے پیار بھی کرتے ہیں دنیا پر بھی مرتے ہیں
زباں اقرار نامہ ہے عمل وعدہ خلافی ہے
Hum un se pyar bhi karte hain duniya par bhi marte hain
Zuban iqrar nama hai amal wada khilafi hai
معالج کوئی اپنا اُن سے بڑھ کر ہو نہیں سکتا
نظر انکی مسیحا ہے توجہ ان کی شافی ہے
Mualij koi apna un se barh kar ho nahi sakta
Nazar unki maseeha hai tawajjo un ki shafi hai
سجائیں زندگی اپنی درودوں سے سلاموں سے
یہی ظاہر کا صافہ ہے یہی باطن کی صافی ہے
Sajayein zindagi apni duroodon se salamom se
Yehi zahir ka safa hai yehi batin ki saafi hai
غزل میں بھی مظفر وارثی حق بات کرتے ہیں
مگر پھر بھی ہماری نعت غزلوں کی تلافی ہے
Ghazal mein bhi Muzaffar Warisi haq baat karte hain
Magar phir bhi hamari naat ghazalon ki talafi hai
Share This Naat
Share with friends and family
ہمیں نسبت ہے آقاؐ سے
مظفر وارثی