naat
قافلے عالمِ حیرت کے وہاں جاتے ہیں
قافلے عالمِ حیرت کے وہاں جاتے ہیں
جس طرف آپ کے قدموں کے نشاں جاتے ہیں
Qaflay alam-e-hairat kay wahan jatay hain
Jis taraf aap kay kadmon kay nishan jatay hain
پوچھئے ہم سے کہاں اشکِ رواں جاتے ہیں
سوئے نعلینِ شہِ کون و مکاں جاتے ہیں
Poochiye hum se kahan ashk-e-rawan jatay hain
Sooye naileen-e-sheh-e-kon o mekan jatay hain
مالکِ کل کی عطاؤں کا اثر ہے ورنہ
قلبِ سائل سے کہاں وہم و گماں جاتے ہیں
Malik-e-kul ki ataoon ka asar hai warna
Qalb-e-sail se kahan weham o gumaan jatay hain
حرصِ شہرت میں گِھرے اے دلِ بے فیض ٹھہر !
کوچہِ یار میں بے نام و نشاں جاتے ہیں
Hirs-e-shohrat mein ghiray ai dil-e-be faiz thehar !
Koocha-e-yar mein be naam o nishan jatay hain
پیرِ میخانہِ طیبہ ہو اگر پیرِ نجف
سیر ہو آتے ہیں جو تشنہ لباں جاتے ہیں
Peer-e-maikhana-e-Taybah ho agar peer-e-Najaf
Sair ho aatay hain jo tishna laban jatay hain
عرش کے پار سے آتے ہیں جو نوری دھارے
جانبِ روئے شہِ لالہ رُخاں جاتے ہیں
Arsh kay paar se aatay hain jo noori dharay
Janib-e-rooye sheh-e-lala rukhan jatay hain
کیوں نہ اُس در کو پناہ گاہِ تبسم کہئیے
اڑتے پنچھی بھی جہاں لینے اماں جاتے ہیں
Kyun na us dar ko panah gah-e-tabassum kahiye
Urtay panchhi bhi jahan lene amaan jatay hain
Share This Naat
Share with friends and family
قافلے عالمِ حیرت کے وہاں جاتے ہیں
حافظ محمد ابوبکر تبسمؔ