ہم اس ادا سے شہرِ سرکار تک گئے ہیں
آنکھوں سے ہر قدم پر سجدے چھلک گئے ہیں
Hum is ada se shehr-e-sarkar tak gaye hain
Aankhon se har qadam par sajde chhalak gaye hain
ممکن نہ ہوسکی جب روضے پہ لب کشائی
پلکوں سے کچھ فسانے خود ہی ڈھلک گئے ہیں
Mumkin na ho saki jab rozae pe lab kushai
Palkon se kuch fasane khud hi dhalak gaye hain
سرکارؐ اب تو سن لیں فریاد عاصیوں کی
آہیں بھی تھک گئی ہیں آنسو بھی تھک گئے ہیں
Sarkarؐ ab to sun lein faryaad-aasiyon ki
Aahen bhi thak gayi hain aansu bhi thak gaye hain
غربت میں صبحِ طیبہ جب یا د آگئی ہے
فکر و نظر کی حد تک جادے چمک گئے ہیں
Gurbat mein subah-e-taiba jab yaad aagai hai
Fikr-o-nazar ki had tak jade chamak gaye hain
جس جس روش سے گزری سرکار کی سواری
گلشن تو پھر ہیں گلشن صحرا مہک گئے ہیں
Jis jis rawish se guzri sarkar ki sawari
Gulshan to phir hain gulshan sehra mehak gaye hain
جس سمت اُٹھ گئی ہیں رحمت مزاج نظریں
ماحول کی جبیں سے سجدے ٹپک گئے ہیں
Jis simt uth gayi hain rehmat-mizaj nazrein
Mahol ki jabeen se sajde tapak gaye hain
آسان ان سے گزرے دیوانے مصطفیٰ کے
جن منزلوں میں اہل ِ دانش بھٹک گئے ہیں
Aasaan un se guzare deewane Mustafa ke
Jin manzilon mein ahl-e-danesh bhatak gaye hain
اقبؔال کس نے چھیڑا یہ نعتیہ ترانہ
افسردہ انجمن میں شعلے لپک گئے ہیں
Iqbal kis ne chheda ye naatiya tarana
Afsurda anjuman mein shole lapak gaye hain
Share This Naat
Share with friends and family
ہم اس ادا سے شہرِ سرکار تک گئے ہیں
پروفیسراقبال عظیم