خالی کبھی ایوانِ محمدؐ نہیں رہتا
کردار تو رہتے ہیں وہاں قد نہیں رہتا
Khaali kabhi aewan-e-Mohammad (SAW) nahi rehta
Kirdar to rehte hain wahan qad nahi rehta
دربار تہِ خاک لگا کرتے ہیں کتنے
گنبد میں فقط صاحب گنبد نہیں رہتا
Darbar teh-e-khaak laga karte hain kitne
Gunbad mein faqat sahib-e-gunbad nahi rehta
شرکت کو اگر انکی الگ کردیا جائے
تخلیقِ جہاں کا کوئی مقصد نہیں رہتا
Shirkat ko agar unki alag kardia jaye
Takhleeq-e-jahan ka koi maqsad nahi rehta
ایمان ہے میرا کہ وہ زندہ ہیں حرم میں
زندہ کا جو مسکن ہو وہ مرقد نہیں رہتا
Emaan hai mera ke wo zinda hain haram mein
Zinda ka jo maskan ho wo marqad nahi rehta
جو محسن ِ انسانیت ان کو نہیں مانے
انسان تو وہ کتنے بھی فیصد نہیں رہتا
Jo Mohsin-e-Insaniyat unko nahi mane
Insan to wo kitney bhi fee-sad nahi rehta
سینے پہ بھی لگ جاتی ہے اک مُہرِ الٰہی
ہونٹؤں پہ فقط بوسہء اسود نہیں رہتا
Seene pe bhi lag jati hai ek muher-e-ilahi
Honto pe faqat bosah-e-Aswad nahi rehta
جو اپنے غلاموں میں بھی سلطانیاں بانٹے
وہ خاک نشیں خوگرِ مسند نہیں رہتا
Jo apne ghulamon mein bhi sultaniyan bante
Wo khaak nasheen khugar-e-masnad nahi rehta
توبہ کی بھی توفیق عنایت ہے خدا کی
ہوجائے جو باغیِ بدی، بد نہیں رہتا
Tauba ki bhi taufiq inaayat hai Khuda ki
Hojaye jo baaghi-e-badi, bad nahi rehta
جو عشقِ محمدؐ سے ہو سرشار مظفر
اس دل میں "یقیں" رہتا ہے "شاید" نہیں رہتا
Jo ishq-e-Mohammad (SAW) se ho sarshar Muzaffar
Is dil mein "yaqeen" rehta hai "shayad" nahi rehta
Share This Naat
Share with friends and family
خالی کبھی ایوانِ محمدؐ نہیں رہتا
مظفر وارثی