قرض سنت و قرآں کا نادہندہ ہوں
معاف کر دیجئے آقا شرمندہ ہوں
qarz sunnat o qur'an ka nadahindah hoon
ma'af kar dijiye aaqa sharmindah hoon
آنسو درود بھیجیں سانسیں پڑھیں سلام
کتنی قیمتی آب و ہوا میں زندہ ہوں
aansoo durood bhejain saansen parhain salam
kitni qeemati aab o hawa mein zindah hoon
میرا مستقبل ہے میرے ماضی میں
صدیوں قبل کی آوازِ آئندہ ہوں
mera mustaqbil hai mere maazi mein
sadiyon qabal ki aawaz e aindah hoon
جا بیٹھوں اکثر ان کی دیواروں پر
شہرِ ہجرِ نبی ؐ کا ایک پرندہ ہوں
jaa baithoon aksar un ki deewaron par
shahr e hijr e nabi (ﷺ) ka aik parindah hoon
لفظوں سے تعمیر کروں میں نعت محل
شاعر کیا ہوں ادنیٰ سا کارندہ ہوں
lafzon se ta'ameer karoon main na'at mahal
sha'a'ir kya hoon adna sa karindah hoon
منکر نکیر میرا استقبال کرو
خیر البشر کے قدموں کا باشندہ ہوں
munkir nakeer mera istiqlal karo
khair ul bashar ke qadamoon ka bashindah hoon
دھو گئی سارے رنج مظفر ایک نظر
اندھیاروں کی بھیڑ میں بھی تابندہ ہوں
dho gayi sare ranj muzaffar aik nazar
andhiyaron ki bheer mein bhi taabindah hoon
Share This Naat
Share with friends and family
قرض سنت و قرآں کا نادہندہ ہوں
مظفر وارثی