محشر میں محمد کا عنوان نرالا ہے
امت کی شفاعت کا سامان نرالا ہے
Mahshar mein Muhammad ka unwan nirala hai
Ummat ki shafaat ka samaan nirala hai
خوبی و شمائل میں ہر آن نرالا ہے
انسان ہے وہ لیکن انسان نرالا ہے
Khoobi o shamail mein har aan nirala hai
Insaan hai wo lekin insaan nirala hai
تزئین شب اسری دیکھی تو ملک بولے
کیا آج خدا کے گھر مہمان نرالا ہے
Tazeen shab asra dekhi to malik bole
Kya aaj Khuda ke ghar mehman nirala hai
اقلیم محبت کی دنیا ہی نرالی ہے
دربار انوکھا ہے سلطان نرالا ہے
Iqlim mohabbat ki duniya hi nirali hai
Darbar anokha hai Sultan nirala hai
مستوں کے سوا تجھ کو سمجھا نہ کوئی سمجھے
اے پیر مغاں تیرا عرفان نرالا ہے
Maston ke siwa tujh ko samjha na koi samjhe
Aye pir mughann tera irfan nirala hai
وہ مصحف رخ دل میں آنکھوں میں تصور ہے
البیلی تلاوت ہے قرآن نرالا ہے
Wo mushaf rukh dil mein aankhon mein tasawwur hai
Albeeli talawat hai Quran nirala hai
پھولوں میں مہکتا ہے بلبل میں چہکتا ہے
جلوہ تیری صورت کا ہر آن نرالا ہے
Phoolon mein mehakta hai bulbul mein chehakta hai
Jalwa teri soorat ka har aan nirala hai
اس مصحف عارض کو قرآن سمجھتے ہیں
ان اہل محبت کا ایمان نرالا ہے
Is mushaf ariz ko Quran samajhte hain
In ahl muhabbat ka imaan nirala hai
کعبہ ہو کہ بت خانہ مکتب ہو کہ میخانہ
ہر جا پہ تیرا جلوہ اے جان نرالا ہے
Kaba ho ke but khana maktab ho ke maikhana
Har ja pe tera jalwa aye jaan nirala hai
مضمون اچھوتے ہیں مفہوم انوکھے ہیں
دیوانوں میں بیدم کا دیوان نرالا ہے
Mazmoon achhootay hain mafhoom anokhay hain
Deewanon mein Baydam ka deewan nirala hai
Share This Naat
Share with friends and family
محشر میں محمد کا عنوان نرالا ہے
بیدم شاہ وارثی