نورِ خدائے پاک کی تنویر یا حضورؐ
قرآنِ رب کی آپ ہیں تفسیر یا حضورؐ
Noor-e Khuda-e paak ki tanveer ya Huzoor ﷺ
Qur'an-e Rab ki aap hain tafseer ya Huzoor ﷺ
ممنون کیوں نہ آپ کے ہوں اہلِ کائنات
بدلی ہے سب کی آپ نے تقدیر یا حضورؐ
Mamnun kyu na aap ke hoon ahl-e kainaat
Badli hai sab ki aap ne taqdeer ya Huzoor ﷺ
جو قیدِ غم میں پا بسلاسل تھے آپ نے
ان کے غموں کی کاٹ دی زنجیر یا حضورؐ
Jo qaid-e gham mein pa baslasil the aap ne
Un ke ghamon ki kaat di zanjeer ya Huzoor ﷺ
صحرائے خار زار میں اُگنے لگے گلاب
صحرا کی بدلی آپ نے تاثیر یا حضورؐ
Sahraye khaar zaar mein ugnay lage gulaab
Sehra ki badli aap ne taseer ya Huzoor ﷺ
آمد کے صدقے آپ کے تبدیل ہوگئی
فرسودہ تھی جو دہر کی تعزیر یا حضورؐ
Aamad ke sadqe aap ke tabdeel ho gayi
Farsuda thi jo dahr ki tazir ya Huzoor ﷺ
رو رو کے گڑ گڑا کے نمازوں میں آپ نے
بدلی ہے ہم غلاموں کی تقدیر یا حضورؐ
Ro ro ke gar gara ke namazon mein aap ne
Badli hai hum ghulamon ki taqdeer ya Huzoor ﷺ
پتھر دلوں کو موم بناتی چلی گئی
تھی آپ کے وہ خلق کی شمشیر یا حضورؐ
Pathar dilon ko mom banati chali gayi
Thi aap ke wo khalq ki shamsheer ya Huzoor ﷺ
اہلِ جہاں کے قلب بدی سے سیاہ تھے
بخشی کرم کی آپ نے تنویر یا حضورؐ
Ahl-e jahan ke qalb badi se siyah the
Bakhshi karam ki aap ne tanveer ya Huzoor ﷺ
احسؔن پہ بھی کریمی کی کر دیجیے نگاہ
گردش کے دن ہیں بگڑی ہے تقدیر یا حضورؐ
Ahsan pe bhi kareemi ki kar dijiye nigah
Gardish ke din hain bigri hai taqdeer ya Huzoor ﷺ
Share This Naat
Share with friends and family
نورِ خدائے پاک کی تنویر یا حضورؐ
احسن اعظمی