اتھرو دیکھ نبی دی اکھ وچ عالم سارے رو پیندے نے
دیکھ سکے غم محبوب میرے دا چن تے تارے رو پیندے نے
Athru dekh Nabi di akh vich aalam sare ro peende ne
Dekh sake gham mehboob mere da chand te tare ro peende ne
جد کربل دی خُون چ ڈُبی دھرتی چیتے آجاندی اے
کسے وی دیس چ وسدے ہوون درداں مارے رو پیندے نے
Jad Karbala di khoon ch dubi dharti chite aajandi ae
Kise wi des ch vasde hovein dardan mare ro peende ne
جد طیبہ دا منظر چُپ چپیتاں چیتے آجاندا اے
بنھ پلکاں دے انج مٹ جاندے جویں کنارے رو پیندے نے
Jad Tayyabah da manzar chup chupiteran chite aajanda ae
Banh palkaan de injh mit jaande joye kinare ro peende ne
میں جد وچ جُدائی جاگاں نال میرے سب درد وی جاگن
میں روواں تے دیکھ کے مینوں درد وچارے رو پیندے نے
Main jad wicho judai jagan nal mere sab dard wi jagan
Main rowaan te dekh ke menoon dard vachare ro peende ne
جد طیبہ دی وچ جُدائی تڑفن پھڑکن ویکھن میرا
دین دلاسہ لگے مینوں یار پیارے رو پیندے نے
Jad Tayyabah di wicho judai tarafan pharkan vekhan mera
Deen dalasa lage menoon yaar pyare ro peende ne
ملن آجاندا یار اے کوئی جدوں مدینے جاون لگیا
صائم دے ارمان وچارے تھکے ہارے رو پیندے نے
Milan aajanda yaar ae koi jadoon Madine jaawan lagia
Saem de armaan vachare thake haare ro peende ne
Share This Naat
Share with friends and family
اتھرو دیکھ نبی دی اکھ وچ عالم سارے رو پیندے نے
علامہ صائم چشتی