مرحبا ہزار مرحبا آگئے ہیں سیدِ زمن
نور بار ہوگئی فضا آگئے ہیں سیدِ زمن
Marhaba hazar marhaba agaye hain Syed-e-Zaman
Noor bar hogayi fiza agaye hain Syed-e-Zaman
بے کسی کے دن ہوئے تمام ہر کوئی ہے آج شاد کام
بے کسوں کا بن کے آسرا آگئے ہیں سیدِ زمن
Be kasi ke din huye tamam har koi hai aaj shad kam
Be kason ka ban ke aasra agaye hain Syed-e-Zaman
آگئی بہارِ صبحِ نو ظلمتوں کی رات ڈھل گئی
عہدِ انقلاب آگیا آگئے ہیں سیدِ زمن
Agayi bahar-e-subh-e-no zulmatoon ki raat dhal gayi
Ehad-e-inqilab agaya agaye hain Syed-e-Zaman
حق شناس ہوگیا بشر پا گیا شعورِ بندگی
مقصدِ حیات مل گیا آگئے ہیں سیدِ زمن
Haq shanas hogaya bashar paa gaya shaoor-e-bandagi
Maqsad-e-hayat mil gaya agaye hain Syed-e-Zaman
سنگ لب کشا ہوئے ادھر ماہتاب شق ہوا ادھر
تھا نبیؐ کا ایسا معجزہ آگئے ہیں سیدِ زمنؐ
Sang lab kusha huye udhar mahtab shaq huwa udhar
Tha Nabiؐ ka aisa mojza agaye hain Syed-e-Zamanؐ
آگیا گلوں پہ بانکپن نو عروس بن گئی کلی
دن خزاں کے ہوگئے ہوا آگئے ہیں سیدِ زمن
Agaya gulon pe bankpan no arus ban gayi kali
Din khazan ke hogaye hawa agaye hain Syed-e-Zaman
قیدِ گمرہی سے مل گئی کاروانِ دہر کو نجات
مل گیا جہاں کو رہنما آگئے ہیں سیدِ زمنؐ
Qaid-e-gumrahi se mil gayi karwan-e-dahr ko nijat
Mil gaya jahan ko rahnuma agaye hain Syed-e-Zamanؐ
پستیوں میں غرق دہر کو ہوں گی سر بلندیاں نصیب
بخشنے جہاں کو ارتقا آگئے ہیں سیدِ زمن
Pastiyon mein gharq dahr ko hongi sar bulandiyan naseeb
Bakhshne jahan ko irtqa agaye hain Syed-e-Zaman
دل سے دور ہوں گی نفرتیں ختم ہوں گی سب کدورتیں
امن کا چراغ جل گیا آگئے ہیں سیدِ زمن
Dil se door hongi nafraten khatam hongi sab kaduraten
Aman ka cheragh jal gaya agaye hain Syed-e-Zaman
عاصیو! کرو نہ کوئی غم، پہنے تاج شافعِ امم
لے کے مژدہائے جاں فزا آگئے ہیں سیدِ زمن
Asiyo! Karo na koi gham, pehne taj shafi-e-umm
Le ke mujdahaye jaan faza agaye hain Syed-e-Zaman
پاش ہوگا ہر بتِ حرم ہوگا ختم قبضۂ صنم
پاک ہوگا خانۂ خدا آگئے ہیں سیدِ زمن
Pash hoga har but-e-haram hoga khatam qabza-e-sanam
Pak hoga khana-e-Khuda agaye hain Syed-e-Zaman
تو اگر ہے عاشقِ نبیؐ ہو کے با ادب منا خوشی
ورد کر درودِ پاک کا آگئے ہیں سیدِ زمن
Tu agar hai aashiq-e-Nabiؐ ho ke ba adab mana khushi
Wird kar darood-e-pak ka agaye hain Syed-e-Zaman
جشنِ آمدِ حضور ہے احسؔن آج تو بھی وجد میں
چھیڑ نعتِ پاک مصطفیٰؐ آگئے ہیں سیدِ زمن
Jashn-e-aamad-e-Huzoor hai Ahsan aaj tu bhi wajd mein
Chhed naat-e-pak Mustafaؐ agaye hain Syed-e-Zaman
Share This Naat
Share with friends and family
مرحبا ہزار مرحبا آگئے ہیں سیدِ زمن
احسن اعظمی