خود کو یونہی تو نہیں محوِ سفر رکھا ہوا
سبز گنبد میں نے ہے پیشِ نظر رکھا ہوا
Khud ko yunhi to nahin mahw-e-safar rakha hua
Sabz gunbad me ne hai paish-e-nazar rakha hua
بس یہی اک سلسلہ ہے معتبر رکھا ہوا
دامنِ خیر الوریٰ ہے تھام کر رکھا ہوا
Bas yahi ek silsila hai mu'tabar rakha hua
Daman-e-khair alwara hai thaam kar rakha hua
اس لیے تازہ دم رہتا ہوں ہر دم دوستو!
ذکر ان کا لب پہ ہے شام و سحر رکھا ہوا
Is liye taza-dam rehta hoon har dam dosto!
Zikr unka lab pe hai shaam o sahar rakha hua
منزلیں خود راستہ میرا بھلا دیکھیں نہ کیوں؟
ان کی مدحت کو ہے جب رختِ سفر رکھا ہوا
Manzilein khud rasta mera bhala dekhein na kyun?
Un ki madahat ko hai jab rakht-e-safar rakha hua
بخشوانی ہوں خطائیں تو چلے جایا کرو
عاصیوں کے واسطے ہے رب نے در رکھا ہوا
Bakhswani hoon khataen to chaley jaya karo
Aasiyon ke wastay hai Rab ne dar rakha hua
دور کر دیتی ہے سارے مرض، ملتی ہے شفا
خاکِ طیبہ میں اثر ہے اس قدر رکھا ہوا
Door kar deti hai saare marz, milti hai shafa
Khaak-e-Tayyiba mein asar hai is qadr rakha hua
روح تن سے اس گھڑی اے کاش! ہو جائے جدا
آپ کی دہلیز پر ہو جب یہ سر رکھا ہوا
Rooh tan se is ghari aye kash! ho jaye juda
Aap ki dehleez par ho jab ye sar rakha hua
دو جہاں میں ہیں رسولِ ہاشمی حامی ترے
حوصلہ رکھ، دل میں آصف کیوں ہے ڈر رکھا ہوا
Do jahan mein hain Rasool-e-Hashmi haami teray
Housla rakh, dil mein Asif kyun hai dar rakha hua
Share This Naat
Share with friends and family
خود کو یونہی تو نہیں محوِ سفر رکھا ہوا
محمد آصف قادری