نعمتِ بے بدل مدینہ ہے
ہر اداسی کا حل مدینہ ہے
Nemat-e be badal madina hai
Har udasi ka hal madina hai
ضبطِ جذبات لازمی ہیں یہاں
اے مرے دل! سنبھل، مدینہ ہے
Zabt-e jazbat lazmi hain yahan
Ae mere dil! Sanbhal, madina hai
ان کی آمد کا فیض ہے مکہ
ان کی ہجرت کا پھل مدینہ ہے
Un ki amad ka faiz hai makka
Un ki hijrat ka phal madina hai
اہلِ مکہ نے جو کِیا سو کِیا
ان کا ردّعمل مدینہ ہے
Ahl-e makka ne jo kiya so kiya
Un ka rddamal madina hai
عرضیاں ڈال پر نگاہوں سے
اپنی عادت بدل، مدینہ ہے
Arzian dal par nigahon se
Apni adat badal, madina hai
گردِ رہ جھاڑنے کی سوچتا ہے
اس کو چہرے پہ مَل، مدینہ ہے
Gard-e rah jhaarnay ki sochta hai
Is ko chehre pe mal, madina hai
گو کہ ہر شہر ہے مدینہ مگر
شہرِ سرکار المدینہ ہے
Go ke har shehar hai madina magar
Shehar-e sarkar almadina hai
دوست یہ ہے اہتمامِ عکس کشی
خود سے باہر نکل، مدینہ ہے
Dost ye hai ehtimam-e aks kashi
Khud se bahar nikal, madina hai
ختم ہو جائیں گے سبھی اعمال
لا نہ ماتھے پہ بَل، مدینہ ہے
Khatm ho jaen ge sabhi aamaal
La na mathay pe bal, madina hai
لب پہ بے جا اتر نہ اے خواہش
پہلے اشکوں میں ڈھل، مدینہ ہے
Lab pe be ja utar na ae khwahish
Pehle ashkon mein dhal, madina hai
گر نہ جائیں زمین پر اے چشم
اپنے آنسو نگل، مدینہ ہے
Gar na jaen zameen par ae chashm
Apne aansu ngal, madina hai
یثربِ حال سے نہ ہو غمگیں
مظہری تیرا کل مدینہ ہے
Yasrab-e haal se na ho ghamgeen
Mazhari tera kal madina hai
Share This Naat
Share with friends and family
نعمتِ بے بدل مدینہ ہے
حسنین مظہری