جہاں نوشابۂ لطف و کرم رکھا ہوا ہے
اسی در پر سرِ تسلیم خم رکھا ہوا ہے
Jahan noshaba-e-lutf o karam rakha hua hai
Isi dar par sar-e-tasleem kham rakha hua hai
مرا ہر عیب دنیا کی نگاہوں سے چھپا کر
شہِ ابرار نے میرا بھرم رکھا ہوا ہے
Mera har aib duniya ki nigahon se chhupa kar
Shah-e-abrar ne mera bharam rakha hua hai
مجھے تھکنے نہیں دیتا درِ سرکارِ بطحا
اسی در کی کشش نے تازہ دم رکھا ہوا ہے
Mujhe thakne nahi deta dar-e-sarkar-e-bat'ha
Isi dar ki kashish ne taza dam rakha hua hai
یقیناً اشک شوئی آپ فرمائیں گے میری
اسی امید پر آنکھوں کو نم رکھا ہوا ہے
Yaqeenan ashk shui aap farmaenge meri
Isi umeed par aankhon ko num rakha hua hai
تصور میں دیارِ نور ہو ہر وقت میرے
تعلق اس لئے دنیا سے کم رکھا ہوا ہے
Tasawwur mein diyar-e-noor ho har waqt mere
Ta'lluq is liye duniya se kam rakha hua hai
کہاں ممکن ہے ایسا دوسرا آقا، کہ جس نے
غلاموں کو بصد ناز و نعم رکھا ہوا ہے
Kahan mumkin hai aisa doosra aaqa, ke jis ne
Ghulamon ko basad naaz o ne'm rakha hua hai
عطا ہوگا کبھی اک نعت کا مقبول مصرع
درِ امید پر کاغذ قلم رکھا ہوا ہے
Ata hoga kabhi ek naat ka maqbool misra
Dar-e-umeed par kagaz qalam rakha hua hai
جناں کا بوستاں اللہ نے ہر ایک ماں کے
طفیلِ آمنہ زیرِ قدم رکھا ہوا ہے
Janan ka bostan Allah ne har ek maan ke
Tufail-e-aminah zer-e-qadam rakha hua hai
مرے آنسو معطر کیوں نہ ہوں اشفاقؔ، میں نے
حسین ؓ ابنِ علی ؓ کا دل میں غم رکھا ہوا ہے
Mere aansu muattar kyu na hon Ashfaq, main ne
Hussain ibn-e-Ali ka dil mein gham rakha hua hai
Share This Naat
Share with friends and family
جہاں نوشابۂ لطف و کرم رکھا ہوا ہے
اشفاق احمد غوری