naat
جس کو اپنا رخِ زیبا وہ دکھا دیتے ہیں
جس کو اپنا رخِ زیبا وہ دکھا دیتے ہیں
مسکرا کے وہ اندھیروں کو مٹا دیتے ہیں
Jis ko apna rukh-e-zeba wo dikha dete hain
Muskura ke wo andheron ko mita dete hain
ہم سے تیّاریِ محشر کا اگر پوچھے کوئی
ہم اسے آپ کی اِک نعت سنا دیتے ہیں
Hum se tayyari-e-mahshar ka agar poochay koi
Hum usay aap ki ik naat suna dete hain
سرمہِ خاکِ درِ یار لگانے والے
آنکھ اٹھاتے ہیں تو محشر بھی اٹھا دیتے ہیں
Surma-e-khaak-e-dar-e-yaar lagane walay
Aankh uthate hain to mahshar bhi utha dete hain
ہادئ کون و مکاں ! آپ کے منظورِ نظر
شہرِ لاہور سے کعبہ بھی دکھا دیتے ہیں
Hadi-e-kaun o makaan! Aap ke manzoor-e-nazar
Shehr-e-Lahore se Kaaba bhi dikha dete hain
اُس کی قربت کا تمنائی ہے سدرہ کا مکیں
اپنی قربت میں جسے آپ جگہ دیتے ہیں
Us ki qurbat ka tamannai hai Sidra ka makin
Apni qurbat mein jisay aap jagah dete hain
سختئِ موت بھی اُن سب کو ڈرا سکتی نہیں
جو صدا آپ کو بر وقتِ قضا دیتے ہیں
Sakhti-e-maut bhi un sab ko dara sakti nahi
Jo sada aap ko bar waqt-e-qaza dete hain
رنگت و بوئے گلستان و وجودِ شبنم
مل کے سب تیرے تبسم کو دعا دیتے ہیں
Rangat o boo-e-gulistan o wujood-e-shabnam
Mil ke sab tere tabsum ko dua dete hain
Share This Naat
Share with friends and family
جس کو اپنا رخِ زیبا وہ دکھا دیتے ہیں
حافظ محمد ابوبکر تبسمؔ