ذرہ ذرہ زمیں کا درخشاں ہوا
جس گھڑی جلوہ گر ماہِ تاباں ہوا
Zarra zarra zameen ka darakhshaan hua
Jis ghari jalwa gar maah-e-taabaan hua
نُور اوّل کی آمد ہوئی جس گھڑی
سارے عالم میں گھرگھر چراغاں ہوا
Noor awwal ki aamad hui jis ghari
Saray aalam mein ghar ghar charaaghaan hua
کھل گئے بخت اس کو سعادت ملی
جو بھی شہرِ مدینہ کا مہماں ہوا
Khul gaye bakht us ko sa'adat mili
Jo bhi shehr-e-Madina ka mehmaan hua
حاضری کا مجھے بھی شرف مل گیا
خوش مقدر ہوں پورا یہ ارماں ہوا
Haaziri ka mujhe bhi sharaf mil gaya
Khush muqaddar hoon poora yeh armaan hua
حجرۂ دل کی خوش بخت دیوار پر
نامِ احمد ازل سے فروزاں ہوا
Hujra-e-dil ki khush bakht deewaar par
Naam-e-Ahmed azal se farozaan hua
کر رہی ہوں ثنا روز و شب آپ کی
مجھ پہ میرے خدا کا یہ احساں ہوا
Kar rahi hoon sana roz-o-shab aap ki
Mujh pe mere Khuda ka yeh ehsaan hua
جس کے دل میں محبت ہے سرکار کی
بس اُسی کا ہی کامل ہے ایماں ہوا
Jis ke dil mein muhabbat hai Sarkaar ki
Bas usi ka hi kaamil hai eemaan hua
بزمِ میلاد گھر میں سجاتی رہی
گھر کا ہر ایک گوشہ فروزاں ہوا
Bazam-e-meelaad ghar mein sajati rahi
Ghar ka har ek goshah farozaan hua
آلِ زہرہ کی مجھ کو غلامی ملی
ناز بخشش کا تیری یہ ساماں ہوا
Aal-e-Zahra ki mujh ko ghulami mili
Naaz bakhshish ka teri yeh saamaan hua
Share This Naat
Share with friends and family
ذرہ ذرہ زمیں کا درخشاں ہوا
صفیہ ناز