مصطفؐےٰ کی شکل میں حق کا جمال آیا نظر
سیرتِ اطہر میں ہر اوجِ کمال آیا نظر
Mustafa (ﷺ) ki shakl mein haq ka jamal aya nazar
Seerat e Athar mein har ooj e kamal aya nazar
کائنات اُس کے لیے تسخیر فرمائی گئی
اُس کے قدموں میں نظامِ ماہ و سال آیا نظر
Kainat us ke liye taskheer farmai gayi
Us ke qadmon mein nizam e maah o saal aya nazar
وہ جس کے باطنی انوار بے حد و شمار
زیست کے ہر دائرے میں بے مثال آیا نظر
Woh jis ke batini anwaar be had o shumaar
Zeest ke har daire mein bemisaal aya nazar
شانِ استقلال ہر غزوے میں پائی دیدنی
روئے انور مشکلوں میں بھی بحال آیا نظر
Shaan e isteqlaal har ghazw-e mein payi deedni
Roye anwar mushkilon mein bhi bahaal aya nazar
خاندانی نفرتوں کے بُت ہوئے سب پائمال
خانہ کعبہ کی چھت پر جب بلال آیا نظر
Khandani nafraton ke but huye sab paaimaal
Khana e Kaaba ki chhat par jab Bilal aya nazar
اہلِ طائف کو دعا دیتا تھا ہو کر زخم زخم
وادی نخلہ میں جب رحمت خصال آیا نظر
Ahl e Taif ko dua deta tha ho kar zakham zakham
Wadi e Nakhla mein jab rehmat khisal aya nazar
چلتا تھا اس کے اشارے پر کھلونا چاند کا
مہد میں جب آمنہ بی بی کا لال آیا نظر
Chalta tha us ke ishare par khilona chaand ka
Mehd mein jab Aamna Bibi ka laal aya nazar
زخم ہوں ظاہر کے وہ تائب کہ باطن کے ہوں گھاؤ
اسوہ احسن میں سب کا اند مال آیا نظر
Zakham hon zahir ke woh ta'ib ke baatin ke hon ghaao
Uswa e Ahsan mein sab ka and maal aya nazar
Share This Naat
Share with friends and family
مصطفؐےٰ کی شکل میں حق کا جمال آیا نظر
حفیظ تائب