کوئی نبی نہ ہوگا ہمارے نبی کے بعد
کیا کام جُگنوؤں کا بھلا روشنی کے بعد
Koi nabi na hoga hamare nabi ke baad
Kya kaam jugnuon ka bhala roshni ke baad
جنت سے بھی زیادہ حسیں اس زمین پر
کوئی گلی نہیں ہے کہیں اس گلی کے بعد
Jannat se bhi zyada haseen is zameen par
Koi gali nahi hai kahin is gali ke baad
وہ بھی مرے نبی کی محبت میں ہو تمام
جو زندگی ملے مجھے اس زندگی کے بعد
Woh bhi mere nabi ki muhabbat me ho tamam
Jo zindagi mile mujhe is zindagi ke baad
اِک ہی سبق پڑھا ہے ادب کا تمام عمر
جو کچھ ملا ملے گا مجھے عاجزی کے بعد
Ik hi sabaq parha hai adab ka tamam umr
Jo kuch mila mile ga mujhe aajzi ke baad
ذکرِ رسول تک ہی دلوں میں ہے تازگی
رہتی نہیں ہے ساتھ یہ خوشبو کلی کے بعد
Zikr-e-Rasool tak hi dilon me hai taazgi
Rahti nahi hai saath yeh khushbu kali ke baad
دنیا بدل گئی ہے مری ان کے شہر میں
ویسا نہیں رہا میں وہاں حاضری کے بعد
Duniya badal gayi hai meri un ke shehar me
Waisa nahi raha main wahan haazri ke baad
ساری شجاعتوں کا تعلق ہے اُس کے ساتھ
کوئی علی نہیں ہے ہمارے علی کے بعد
Saari shujaaton ka talluq hai us ke saath
Koi Ali nahi hai hamare Ali ke baad
اُمید ہے کہ دیر تلک کائنات میں
زندہ رہوں گا میں بھی اسی شاعری کے بعد
Umeed hai ke der talak kainaat me
Zinda rahun ga main bhi isi shairi ke baad
انجؔم تمام تر یہ اثر ہے درُود کا
مجھ کو نئی ملی ہے خوشی ہر خوشی کے بعد
Anjam tamam tar yeh asar hai durood ka
Mujh ko nai mili hai khushi har khushi ke baad
Share This Naat
Share with friends and family
کوئی نبی نہ ہوگا ہمارے نبی کے بعد
انجم نیازی