لا مکاں کی خلوتوں میں جلوہ فرما آپؐ ہیں
بزمِ” او ادنی“ کی پیشانی کا طغرا آپؐ ہیں
La makan ki khalwaton mein jalwa farma aapؐ hain
Bazm-e "o adna" ki peshaani ka tughra aapؐ hain
اے شہِ لولاک اے وجہِ نمودِ کائنات
مسند آرا برسرِ عرشِ مُعلّا آپؐ ہیں
Ae shah-e-lolak ae wajah-e-numood-e-kainat
Masnad aara bar sar-e-arsh-e-mualla aapؐ hain
آپؐ ہی کے زمزمے ہیں بربطِ داودؑ میں
دستِ موسیٰؑ کے لیے بھی نور افزا آپؐ ہیں
Aapؐ hi ke zamzame hain barbat-e-Daudؑ mein
Dast-e-Musaؑ ke liye bhi noor afza aapؐ hain
عقل پر جس سے کھلے ہیں عالمِ امکاں کے راز
معرفت کا، علم کا ایسا مجلّا آپؐ ہیں
Aqal par jis se khule hain alam-e-imkaan ke raaz
Ma'arifat ka, ilm ka aisa mujalla aapؐ hain
آپؐ ہی سے نور پاتے ہیں، ازل ہو یا ابد
ظلمتوں میں روشنی کا اک منارا آپؐ ہیں
Aapؐ hi se noor pate hain, azal ho ya abad
Zulmaton mein roshni ka ik manara aapؐ hain
کوئی عفو و درگزر میں آپؐ کا ثانی نہیں
اے رسولِ ہاشمیؐ، رحمت کا دریا آپؐ ہیں
Koi afw o darguzar mein aapؐ ka sani nahi
Ae Rasool-e-Hashmiؐ, rehmat ka darya aapؐ hain
وادیء جاں میں ہے خوشبو آپ ہی کی یا نبیؐ
گوشۂ دل میں ہے جس کی یاد، آقا آپؐ ہیں
Wadi-e-jaan mein hai khushbu aap hi ki ya Nabiؐ
Gosha-e-dil mein hai jis ki yaad, aaqa aapؐ hain
میں کہاں جاؤں، سناؤں کس کو اپنا حالِ دل
میرا مامن، میرا ملجا، میرا ماوا آپؐ ہیں
Main kahan jaaun, sunaun kis ko apna haal-e-dil
Mera ma'man, mera malja, mera mawa aapؐ hain
آپ کا ہے، آپ ہی کو مانگتا ہے آپ سے
اس دلِ بے تاب کی ہر اک تمنا آپؐ ہیں
Aap ka hai, aap hi ko mangta hai aap se
Is dil-e-betaab ki har ik tamanna aapؐ hain
Share This Naat
Share with friends and family
لا مکاں کی خلوتوں میں جلوہ فرما آپؐ ہیں
سیّد شاکر القادری چِشتی نِظامی