انشاء اللہ یار مدینے جاواں گے
جاواں گے سو وار مدینے جاواں گے
Insha Allah yaar madine javan ge
Javan ge so waar madine javan ge
ایدھر اودھر ایویں وقت کھنجاؤ ناں
یا لئو نبی نال پیار مدینے جاواں گے
Edhar udhar eiven waqt khanjavo na
Ya lewo Nabi nal pyar madine javan ge
جہدی دید نوں عرشی اوندے جاندے نیں
اوہ ویکھن دربار مدینے جاواں گے
Jehdi deed nu arshi onde jande ne
Oh wekhne darbaar madine javan ge
پھل مہکن گے اک دن ایہناں سدھراں دے
لٹن موج بہار مدینے جاواں گے
Phul mehkan ge ik din ehnan sudhran de
Lattan moj bahar madine javan ge
اللہ دے محبوب نے کرم کماؤناں ایں
سارے اوگنہار مدینے جاواں گے
Allah de Mehboob ne karam kamaona ae
Saare ogunhaar madine javan ge
اسیں ہاں لا کے بیٹھے تاہنگ مدینے دی
جد سدیا سرکار مدینے جاواں گے
Asin haan la ke baithe tahanag madine di
Jad sadiya sarkar madine javan ge
چڑھیاں ہویاں طوفاناں دا غم نہ کر
ہو سی بیڑا پار مدینے جاواں گے
Charhiaan hoyaan toofan da gham na kar
Ho si berra paar madine javan ge
یار نیازی نت تیاری رکھ اپنی
رہ گئے نے دن چار مدینے جاواں گے
Yaar Niazi nit tyaari rakh apni
Reh gaye ne din chaar madine javan ge
Share This Naat
Share with friends and family
انشاء اللہ یار مدینے جاواں گے
عبدالستار نیازی