اختیارِ سرور میں مصطفیٰؐ کے دامن میں
کل جہاں کی دولت ہے مجتبیٰ کے دامن میں
Ikhtiyar-e-sarwar mein Mustafaؐ ke daaman mein
Kal jahan ki daulat hai Mujtaba ke daaman mein
نعمتوں کے مخزن سے سلسبیل و کوثر تک
کیا نہیں ہے محبوبِ کبریا کے دامن میں
Nematoin ke makhzan se salsabil o kausar tak
Kya nahi hai mehboob-e-kibriya ke daaman mein
آمدِ پیمبر کے فیضِ خاص کے صدقے
آگئے اندھیرے سے ہم ضیا کے دامن میں
Aamad-e-peyambar ke faiz-e-khaas ke sadqay
A gaye andhere se hum diya ke daaman mein
کشتیِ دو عالم کے ناخدا پیمبر ہیں
آ نجات کے خواہاں ناخدا کے دامن میں
Kashti-e-daw alam ke naakhuda peyambar hain
Aa najat ke khawahan naakhuda ke daaman mein
وہ دعا پہنچتی ہے منزلِ اجابت تک
واسطہ نبیؐ کا ہے جس دعا کے دامن میں
Woh dua pahunchti hai manzil-e-ijabat tak
Wasta Nabiؐ ka hai jis dua ke daaman mein
سادگی کے پیکر میں آپ نے انہیں ڈھالا
جو تھے کل تکبر کے اور انا کے دامن میں
Sadaqi ke paikar mein aap ne inhein dhaala
Jo the kal takabbur ke aur ana ke daaman mein
سایۂ غلامی میں شاہِ دیں کے جو آئے
وہ غلام جا پہنچے ارتقا کے دامن میں
Saaya-e-ghulami mein Shah-e-deen ke jo aaye
Woh ghulam ja poonche irtiqa ke daaman mein
وہ دھنی ہیں قسمت کے جن کے روز و شب گزریں
رحمتوں بھری طیبہ کی فضا کے دامن میں
Woh dhani hain qismat ke jin ke roz o shab guzrayn
Rehmaton bhari Tayba ki fiza ke daaman mein
پہنچے منزلِ حق پر کاروانِ گم گشتہ
آگئے ہیں جب بر حق رہنما کے دامن میں
Pahunche manzil-e-haq par karwan-e-gum gashta
Aa gaye hain jab bar haqq rehnuma ke daaman mein
چاہتے ہو محشر میں گر شفاعتِ آقاؐ
آؤ عاصیو آؤ مصطفیٰؐ کے دامن میں
Chahtay ho mahshar mein gar shafa'at-e-Aqaؐ
Aao aasiyo aao Mustafaؐ ke daaman mein
ان کا کیا بگاڑے گی دھوپ حشر کی احسؔن
مل گئی جگہ جن کو مصطفیٰؐ کے دامن میں
Un ka kya bigaray gi dhoop hashr ki Ahsan
Mil gayi jagah jin ko Mustafaؐ ke daaman mein
Share This Naat
Share with friends and family
اختیارِ سرور میں مصطفیٰؐ کے دامن میں
احسن اعظمی