نعت ہی نعت جو قرآن کے ادراک میں ہے
نعت ہی نعت جو پہنائیء افلاک میں ہے
Naat hi naat jo Quran ke idraak mein hai
Naat hi naat jo pahnaiye aflāk mein hai
اک تری نعت کہ جو مجلسِ میثاق میں تھی
اک تری نعت کہ جو خطبۂِ لو لاک میں ہے
Ek teri naat ke jo majlis-e-meesaaq mein thi
Ek teri naat ke jo khutba-e-laolak mein hai
من کا صحرا بھی ہوا تیری عطا سے سیراب
ایک سوتا ہے کہ پھوٹا دلِ صد چاک میں ہے
Man ka sehraa bhi huwa teri ata se siraab
Ek sota hai ke phoota dil-e-saad chaak mein hai
تیری یادوں سے مہکتا ہے ریاضِ جاں بھی
تیری باتوں کا سویرا دلِ شب ناک میں ہے
Teri yaadon se mehakta hai riaaz-e-jaan bhi
Teri baaton ka savera dil-e-shab naak mein hai
جس نے رکھا مری آنکھوں کو وضو سے اکثر
حسرتِ دید وہی دیدۂِ نمناک میں ہے
Jis ne rakha meri aankhon ko wuzu se aksar
Hasrat-e-deed wohi deeda-e-namnak mein hai
تیری دہلیز پہ آتے ہیں نگینے لاکھوں
لاج رکھنا کہ ظفر تو خس و خا شاک میں ہے
Teri dehleez pe aate hain nageene laakhon
Laaj rakhna ke Zafar tu khas o kha shaak mein hai
Share This Naat
Share with friends and family
نعت ہی نعت جو قرآن کے ادراک میں ہے
محمد ظفراقبال نوری