یہ دن میرے نبی کی پیدائش کا دِن ہے
یعنی خُدا کی تکمیلِ خواہش کا دن ہے
Yeh din mere Nabi ki paidaish ka din hai
Ya'ni Khuda ki takmeel-e-khwahish ka din hai
رحمتِ حق کا آج مُحمّؐد نام پڑا تھا
تہذیب و اخلاق کی افزائش کا دن ہے
Rehmat-e-Haq ka aaj Muhammad ﷺ naam pada tha
Tehzeeb o ikhlaq ki afzaish ka din hai
شہرِ عِلم سے آج زمیں آباد ہُوئی تھی
ہر آبادی میں جشنِ دانش کا دِن ہے
Shehr-e-ilm se aaj zameen abad hui thi
Har abaadi mein jashn-e-danish ka din hai
پورے سال رہے مُجھ پر اس دن کا سایا
برسوں کی صدیوں کی گنجائش کا دن ہے
Poore saal rahe mujh par is din ka saaya
Barson ki sadyon ki gunjaish ka din hai
گلیوں بازاروں کو روشن کرنے والو!
روحوں اور ذہنوں کی آرائش کا دِن ہے
Galiyon bazaaron ko roshan karne walo!
Roohon aur zehnoon ki aaraish ka din hai
حشر کے میداں سے کُچھ کم تو نہیں دُنیا بھی
ایسے جِیو جیسے ہر دن پرسش کا دِن ہے
Hashr ke maidaan se kuch kam to nahi duniya bhi
Aise jiyo jaise har din pursish ka din hai
لشکرِ عصیاں بھی ہے کوہِ ذات کے پیچھے
بے خبرو اپنے اوپر یورش کا دِن ہے
Lashkar-e-isyany bhi hai koh-e-zaat ke peechay
Be khabro apne upar yorish ka din hai
تقلیدِ سرکارِ دو عالَم کے فیتے سے
اپنے اپنے قد کی پیمائش کا دن ہے
Taqleed-e-sarkaar-e-do aalam ke faitay se
Apne apne qad ki pemaish ka din hai
کاش اسی دن آئے مُجھ کو مَوت مظفّؔر !
میری لُغت میں تو یہ دن بخشش کادِن ہے
Kaash isi din aaye mujh ko maut Muzaffar!
Meri lughat mein to yeh din bakhshish ka din hai
Share This Naat
Share with friends and family
یہ دن میرے نبی کی پیدائش کا دِن ہے
مظفر وارثی