نورِ حق لے کے ماہِ تمام آگیا
رقص میں شادمانی کا جام آگیا
Noor-e-Haq le ke maah-e-tamam aagaya
Raqs mein shaadmani ka jaam aagaya
دست بستہ مؤدب ہیں جن و ملک
انبیا خوش ہیں ان کا امام آگیا
Dast basta moaddab hain jin o malak
Anbiya khush hain un ka imam aagaya
قلب و روح و نظر خم ہوئے با ادب
لب پہ جب نامِ خیر الانام آگیا
Qalb o rooh o nazar kham huwe ba adab
Lab pe jab naam-e-khair alanaam aagaya
ہوگئی ختم تفریقِ نام و نسب
انقلاب آفریں جب نظام آگیا
Ho gayi khatm tafreeq-e-naam o nasab
Inqilab aafreen jab nizaam aagaya
ننگ و ناموسِ نسواں کو عظمت ملی
عدل کے ہاتھ میں انصرام آگیا
Nang o naamus-e-niswaan ko azmat mili
Adl ke haath mein insraam aagaya
ہوگیا پُر اثر ایسا آئینِ حق
کفر کا حاشیے پر نظام آگیا
Ho gaya pur asar aisa aaeen-e-Haq
Kufr ka haashiye par nizaam aagaya
آگئی ذہنِ انسان میں پاکیزگی
امتیازِ حلال و حرام آگیا
Aa gayi zehan-e-insaan mein pakeezagi
Imtiaz-e-halaal o haraam aagaya
مل گئی لذّتِ کوثر و سلسبیل
جب مرے لب پہ زمزم کا جام آگیا
Mil gayi lizzat-e-kausar o salsabeel
Jab mere lab pe zam-zam ka jaam aagaya
بچ گئی لاج احسنؔ کی روزِ جزا
عشقِ سرکار محشر میں کام آگیا
Bach gayi laaj Ahsan ki roz-e-jaza
Ishq-e-sarkar mehshar mein kaam aagaya
Share This Naat
Share with friends and family
نورِ حق لے کے ماہِ تمام آگیا
احسن اعظمی