اُس نے چھوڑا نہ کسی حال میں تنہا مجھ کو
ساتھ رکھتا ہے خیالِ شہِ بَطحا مجھ کو
us ne chhoRa na kisi hal me tanha mujh ko
saath rakhta hai khayal-e-sheh-e-baTha mujh ko
ایک بار آیا جو لب پر شہِ کونین کا نام
رحمتِ حق نے کئی بار پُکارا مجھ کو
ek baar aya jo lab par sheh-e-konain ka naam
rehmat-e-haq ne kai baar pukaara mujh ko
بزمِ توحید کا ہر گوشہ ہے روشن جس سے
تیری آنکھوں میں نظر آیا وہ جلوہ مجھ کو
bazm-e-touheed ka har gosha hai roshan jis se
teri aankhon me nazar aya wo jalwa mujh ko
میں بھی گھر بیٹھے دو عَالم کا نظارا کر لُوں
یا الٰہی وہ عطا کر دلِ بینا مجھ کو !
mein bhi ghar baithay do aa'lam ka nazaara kar loon
ya ilahi wo ata kar dil-e-beena mujh ko!
قُربِ محبوب خدا دے یہ بڑی دولت ہے
پھر بھی رہتی ہے تڑپنے کی تمنّا مجھ کو
qurb-e-mahboob khuda de ye barri daulat hai
phir bhi reh'ti hai taRapanay ki tamanna mujh ko
رِفعتِ عرش نگاہوں میں سمِٹ آتی ہے
جب بھی یاد آتا ہے وہ گُنبدِ خضرا مجھ کو
rif'at-e-arsh nigahon me simat aati hai
jab bhi yaad ata hai wo gunbad-e-khazra mujh ko
کِتنا محبُوب ہے اعظؔم اُنھیں رونا میرا
ساری دُنیا کو بُلایا ، نہ بُلایا مجھ کو
kitna mahboob hai a'azam unhein rona mera
saari duniya ko bulaya, na bulaya mujh ko
Share This Naat
Share with friends and family
اُس نے چھوڑا نہ کسی حال میں تنہا مجھ کو
محمد اعظم چشتی