دیکھ کر اس رخ روشن کی ضیا آج کی رات
ماہ خجلت سے تہ ابر چھپا آج کی رات
Dekhr kr is rukh roshan ki zia aaj ki raat
Mah khajalt se teh abr chupa aaj ki raat
ساری راتوں سے ہے رتبہ میں سو آج کی رات
ہوگی مقبول جو مانگیں گے دعا آج کی رات
Saari raton se hai rutba mein so aaj ki raat
Hogi maqbool jo maangen ge dua aaj ki raat
عشق گیسوئے رسول عربی ہے جن کو
پڑھتے ہیں سورۃ واللیل اذا آج کی رات
Ishq gesoo-e-Rasool Arabi hai jin ko
Parhte hain Surah Wallail Iza aaj ki raat
چاندنی پھیلی ہی انجم میں فلک پر روشن
اوڑھ کر نور کی آئی ہے ردا آج کی رات
Chandni phaili hai anjum mein falak par roshan
Orh kr noor ki aayi hai rada aaj ki raat
روز میثاق پلائی تھی جو پیمانے میں
ساقیا پھر وہی مے ہم کو پلا آج کی رات
Roz misaaq pilai thi jo paimanay mein
Saqia phir wahi may hum ko pila aaj ki raat
بارش فضل و کرم ہونے کو ہے اے بیدم
ہر طرف چھائی ہے رحمت کی گھٹا آج کی رات
Barish e fazl o karam honay ko hai aye Bedam
Har taraf chhai hai rehmat ki ghata aaj ki raat
Share This Naat
Share with friends and family
دیکھ کر اس رخ روشن کی ضیا آج کی رات
بیدم شاہ وارثی