سب سے ذیشان بعدِ خدا کون ہے
ذاتِ آقاؐ ہے اس کے سوا کون ہے
Sab se zeeshan baad-e Khuda kaun hai
Zaat-e Aqaؐ hai is ke siwa kaun hai
رفعتِ شہ کی کیا حد بتائے کوئی
حد خدا کے سوا جانتا کون ہے
Rifat-e Sheh ki kya had bataey koi
Had Khuda ke siwa jaanta kaun hai
قربِ خاصِ خدا سے مشرف ہوئے
آپ جیسا خدا آشنا کون ہے
Qurb-e khaas-e Khuda se musharraf hue
Aap jaisa Khuda aashna kaun hai
آپ نے بخشا اس کا جہاں کو شعور
کون جھوٹے خدا ہیں خدا کون ہے
Aap ne bakhsha is ka jahan ko shaour
Kaun jhootay Khuda hain Khuda kaun hai
کیا بگاڑے گا گرداب واقف ہے وہ
دین کی ناؤ کا ناخدا کون ہے
Kya bigaare ga gardab waqif hai wo
Deen ki nao ka nakhuda kaun hai
ہم غلاموں کے حامی ہیں شاہِ امم
حشر میں اے منافق ترا کون ہے
Hum ghulaamon ke haami hain Sheh-e Umm
Hashr mein ae munafiq tera kaun hai
یا خدا کس سے مانگوں پکاروں کسے
ماسوا تیرے حاجت روا کون ہے
Ya Khuda kis se maangoon pukaroon kise
Maswa tere haajat rawa kaun hai
بے عمل ہے یہاں کثرتِ عاشقاں
با عمل عاشقِ مصطفیٰؐ کون ہے
Be amal hai yahan kasrat-e aashiqaan
Ba amal aashiq-e Mustafaؐ kaun hai
مصطفیٰؐ کی شفاعت کے منکر ہیں جو
حشر میں ان کا شافع بتا کون ہے
Mustafaؐ ki shafaat ke munkir hain jo
Hashr mein un ka shafi bata kaun hai
نعت کا جس نے احسؔن کیا حق ادا
صرف قرآن ہے دوسرا کون ہے
Naat ka jis ne Ahsanؔ kiya haq ada
Sirf Quran hai doosra kaun hai
Share This Naat
Share with friends and family
سب سے ذیشان بعدِ خدا کون ہے
احسن اعظمی