کون کہتا ہے کہ زینت خلد کی اچھی نہیں
لیکن اے دل فرقتِ کوئے نبی اچھی نہیں
Kon kehta hai ke zeenat e khald ki achi nahi
Lekin ae dil furqat e ko-e Nabi achi nahi
رحم کی سرکار میں پرسش ہے ایسوں کی بہت
اے دل اچھا ہے اگر حالت مری اچھی نہیں
Rehem ki sarkar mein purseish hai eson ki bohot
Ae dil acha hai agar halat meri achi nahi
تیرہ دل کو جلوۂ ماہِ عرب دَرکار ہے
چودھویں کے چاند تیری چاندنی اچھی نہیں
Teera dil ko jalwa e maa-e Arab darkar hai
Chaudhvin ke chand teri chandni achi nahi
کچھ خبر ہے میں برا ہوں کیسے اچھے کا برا
مجھ برے پہ زاہدو طعنہ زَنی اچھی نہیں
Kuch khabar hai mein bura hoon kaise ache ka bura
Mujh bure pe zahido tana zani achi nahi
اس گلی سے دُور رہ کر کیا مریں ہم کیا جئیں
آہ ایسی موت ایسی زندگی اچھی نہیں
Is gali se door reh kar kya marein hum kya jeiyein
Aah aisi maut aisi zindagi achi nahi
اُن کے دَر کی بھیک چھوڑیں سروَری کے واسطے
اُن کے دَر کی بھیک اچھی سروَری اچھی نہیں
Un ke dar ki bheek chorain sarwari ke waste
Un ke dar ki bheek achi sarwari achi nahi
خاک اُن کے آستانے کی منگا دے چارہ گر
فکر کیا حالت اگر بیمار کی اچھی نہیں
Khaak un ke aastane ki manga de charah gar
Fikar kya halat agar bimaar ki achi nahi
سایۂ دیوارِ جاناں میں ہو بستر خاک پر
آرزوئے تاج و تخت خسروَی اچھی نہیں
Saya e deewar e jaana mein ho bistar khak par
Arzoo-e taj o takht khusrawi achi nahi
دَردِ عصیاں کی ترقی سے ہوا ہوں جاں بلب
مجھ کو اچھا کیجیے حالت مری اچھی نہیں
Dard e isyan ki taraqqi se hua hoon jan balb
Mujh ko acha kijiye halat meri achi nahi
ذَرَّۂ طیبہ کی طلعت کے مقابل اے قمر
گھٹتی بڑھتی چار دن کی چاندنی اچھی نہیں
Zarra-e Taiba ki tal'at ke muqabil ae qamar
Ghat'ti barh'ti chaar din ki chandni achi nahi
موسم گل کیوں دکھائے جاتے ہیں یہ سبز باغ
دشتِ طیبہ جائیں گے ہم رہزنی اچھی نہیں
Mausam e gul kyun dikhaye jate hain ye sabz bagh
Dasht e Taiba jaayein ge hum rahzani achi nahi
بیکسوں پر مہرباں ہے رحمتِ بیکس نواز
کون کہتا ہے ہماری بیکسی اچھی نہیں
Bekason par meherban hai rehmat e bekas nawaz
Kon kehta hai hamari bekasi achi nahi
بندۂ سرکار ہو پھر کر خدا کی بندگی
ورنہ اے بندے خدا کی بندگی اچھی نہیں
Banda-e Sarkar ho phir kar khuda ki bandagi
Warna ae bande khuda ki bandagi achi nahi
رُوسیہ ہوں منہ اُجالا کر دے اے طیبہ کے چاند
اس اندھیرے پاکھ کی یہ تیرگی اچھی نہیں
Roosiyah hoon munh ujala kar de ae Taiba ke chaand
Is andhere paakh ki ye teeragi achi nahi
خار ہائے دشتِ طیبہ چبھ گئے دل میں مِرے
عارِضِ گل کی بہارِ عارِضی اَچھی نہیں
Khaar haaye dasht e Taiba chubh gaye dil mein mere
Arz e gul ki bahar e arzi achi nahi
صبحِ محشر چونک اے دل جلوۂ محبوب دیکھ
نور کا تڑکا ہے پیارے کاہلی اچھی نہیں
Subh e mahshar chonk ae dil jalwa e mahboob dekh
Noor ka tarka hai pyare kaahili achi nahi
اُن کے دَر پر موت آ جائے تو جی جاؤں حسن ؔ
اُن کے دَر سے دُور رہ کر زندگی اچھی نہیں
Un ke dar par maut aa jaaye to jee jaoon Hasan
Un ke dar se door reh kar zindagi achi nahi
Share This Naat
Share with friends and family
کون کہتا ہے کہ زینت خلد کی اچھی نہیں
حسن رضا خان