یامحمد مصطفیٰ محبوبِ رب العالمیں
زینتِ بزمِ دو عالم ‘ رونقِ عرشِ بریں
Ya Muhammad Mustafa mahboob-e-Rab-ul-Alameen
Zeenat-e-bazm-e-do aalam, ronaq-e-arsh-e-bareen
مرکزِ نور و تجلی‘ پیکرِ حسن و کمال
غیرتِ مہرِ منور‘ رشکِ مہتاب مبیں
Markaz-e-noor o tajalli, paikar-e-husn o kamal
Ghairat-e-mehr-e-munawwar, rashk-e-mehtab-e-mubeen
درس گاہِ اہلِ ایماں مکتب اہلِ سلوک
رہنمائے رہنمایاں ‘ پیشوائے مرسلیں
Dars gah-e-ahl-e-imaan, maktab-e-ahl-e-suluk
Rehnuma-e-rehnumayaan, peeshwa-e-mursaleen
مخزنِ مہر و مروّت ‘ منبعِ صدق و عطا
اسوہء اخلاق اعلیٰ چشمہء علم و یقیں
Makhzan-e-mehr o murruvat, manba-e-sidq o ataa
Uswah-e-ikhlaq-e-aala, chashmah-e-ilm o yaqeen
غمگسارِ اہلِ تقویٰ مونسِ اہلِ صفا
پاسبانِ عاصیاں و مہربانِ مذنبیں
Ghamgusaar-e-ahl-e-taqwa, munis-e-ahl-e-safa
Pasaaban-e-aasiyan o meherbaan-e-muznibeen
کیا بیاں ہو شوکت و شانِ حرمِ پاکِ حضور
مرجعء اہلِ مراتب بارگاہِ کاملیں
Kya bayaan ho shaukat o shaan-e-haram-e-paak-e-Huzoor
Marji'a-e-ahl-e-maratib, bargah-e-kaamilen
اللہ اللہ عظمت و تقدیس ایوانِ رسول
کعبہء حور و ملائک قبلہء رُوح الامیں
Allah Allah azmat o taqdees ewan-e-Rasool
Kaaba-e-hoor o malaaik, qibla-e-rooh-ul-ameen
مختصر لفظوں میں یہ ہے رتبہء شہر نبی
مستند دارالعلوم ِ عارفیں و سالکیں
Mukhtasir lafzon mein yeh hai rutba-e-shehr-e-Nabi
Mustand darul uloom-e-aarifeen o saalikeen
Share This Naat
Share with friends and family
یامحمد مصطفیٰ محبوبِ رب العالمیں
پروفیسراقبال عظیم